Jón Baldvin Hannibalsson
Jón Baldvin Hannibalsson (fæddur 21. febrúar 1939) er íslenskur stjórnmálamaður. Hann var þingmaður Reykjavíkur 1982–1998, formaður Alþýðuflokksins 1984–1996, fjármálaráðherra Íslands frá 1987–1988 og utanríkisráðherra Íslands 1988–1995. Sendiherra í Washington í Bandaríkjunum og síðar í Helsinki í Finnlandi.
Að frumkvæði Jóns varð Ísland fyrsta ríkið til að viðurkenna sjálfstæði Eystrasaltslandanna árið 1991, og nýtur Jón því nokkurrar virðingar þar, sér í lagi í Litháen.[1][2][3]
Ævi breyta
Foreldrar Jóns voru Hannibal Valdimarsson, ráðherra, og Sólveig Ólafsdóttir, húsmóðir. Jón lauk stúdentsprófi frá Menntaskólanum í Reykjavík. Jón er með MA-gráðu í hagfræði frá Edinborgarháskóla. Hann stundaði framhaldsnám við Stokkhólmsháskóla og Miðstöð Evrópufræða við Harvard-háskóla. Hann útskrifaðist einnig með próf í uppeldis- og kennslufræðum HÍ 1965.
Jón starfaði framan af við blaðamennsku og kennslu. Jón kenndi í Hagaskóla í Reykjavík 1964–1970 og var skólameistari Menntaskólans á Ísafirði 1970–1979. Hann vann sem blaðamaður við Frjálsa þjóð 1964–1967 og var ritstjóri Alþýðublaðsins 1979–1982.
Ásakanir um kynferðislega áreitni breyta
Jón var kærður til lögreglu vegna meintrar kynferðislegrar áreitni, í formi einkabréfa, við unga frænku eiginkonu sinnar árið 2005 en kærunni var vísað frá. Kæran var tekin upp aftur við embætti saksóknara. Í það skiptið snerist hún um að Jón hefði „sært blygðunarkennd“ viðtakanda bréfsins. Þessu máli var líka vísað frá. Málið komst svo í kastljós fjölmiðla vorið 2012 þegar tímaritið Nýtt líf birti hluta bréfanna ásamt viðtali við stúlkuna sem hafði fengið bréfin send.[4] Ráðning Jóns sem gestafyrirlesara við Háskóla Íslands 2013 var afturkölluð þegar umræða um bréfamálið fór aftur af stað í bloggheimum.[5]. Í kjölfar Me too-hreyfingarinnar var Jón aftur ásakaður um kynferðislega áreitni í byrjun árs 2019. Stofnaður var facebook-hópur til að ræða brot hans og umfjallanir komu í fréttamiðlum um konur sem sögðust hafa sætt áreitni af hans hendi.[6]
Haustið 2022 birti Stundin frétt um kynferðisleg samskipti Jóns Baldvins við 15 ára stúlku sem var nemandi hans. [7]
Tilvísanir breyta
- ↑ Wright, Helen (17. júní 2016). „For David Against Goliath: Iceland's Support for Baltic Independence“. deepbaltic.com. Sótt 29. maí 2019.
- ↑ Ólason, Samúel Karl. „Jón Baldvin heiðraður á sjálfstæðisafmæli Litháen - Vísir“. visir.is. Sótt 27. febrúar 2021.
- ↑ „Jón Baldvin í Litháen: 20 ára sjálfstæðisafmæli - Vísir“. visir.is. Sótt 27. febrúar 2021.
- ↑ Meint kynferðisbrot Jóns Baldvins, grein í Nýju lífi
- ↑ Háskóli Íslands: Talibanar í fílabeinsturni?
- ↑ Verður að stöðva þessa perverta sem telja sig guðsgjöf til kvenna Vísir, skoðað 15. janúar 2019.
- ↑ [https://heimildin.is/grein/15886/ Jón Baldvin við nemanda: „Viltu hitta mig eftir næsta tíma“] Stundin/Heimildin, sótt 3/2 2023
Tenglar breyta
- Æviágrip á heimasíðu Alþingis
- Viðtal við Jón Baldvin í tímaritinu Reykjavík Grapevine.
- Íslenska leiðin, grein eftir Jón í Fréttablaðinu 30. ágúst 2008
- Að gera hreint fyrir sínum dyrum Geymt 1 maí 2012 í Wayback Machine, grein eftir Jón á heimasíðu sinni 16.3.2012
- Af hverju allt þetta hatur Geymt 26 apríl 2016 í Wayback Machine, grein eftir Kolfinnu Baldvinsdóttur á heimasíðu Jóns 30.4.2012
| Fyrirrennari: Þorsteinn Pálsson |
|
Eftirmaður: Ólafur Ragnar Grímsson | |||
| Fyrirrennari: Steingrímur Hermannsson |
|
Eftirmaður: Halldór Ásgrímsson | |||
