Friðþjófssaga er norrænt söguljóð í 24 köflum (eða kvæðum), eftir sænska skáldið Esaias Tegnér. Hver kafli er undir sérstökum bragarhætti.

Friðþjófur biður Ingibjargar. Myndskreyting úr sænskri útgáfu Friðjófssögu, 1827. A. Lundquist.

Friðþjófssaga kom út á íslensku árið 1866 í þýðingu Matthíasar Jochumssonar. Þýðingin er frábærlega af hendi leyst, t.d. yrkir Matthías undir svipuðum bragarháttum og Tegnér notaði.

Þýðing Matthíasar varð vinsæl, og hefur komið út sérstaklega alls fimm sinnum, 1866, 1884, 1906, 1935 og 1949. Einnig birtist hún í seinna bindinu af Ljóðmælum hans, 1958, tekin eftir frumútgáfunni. Þess ber að geta að Matthías endurskoðaði þýðingu sína og orti t.d. annan kafla upp undir nýjum bragarhætti. Frumútgáfan frá 1866 er því ekki endanleg útgáfa Matthíasar af Friðþjófssögu.

Söguljóðið Friðþjófssaga er byggt á fornaldarsögunni Friðþjófs sögu hins frækna.

Kaflar í Friðþjófssögu breyta

  1. Friðþjófur og Ingibjörg
  2. Beli konungur og Þorsteinn Víkingsson
  3. Friðþjófur tekur við arfi eftir föður sinn
  4. Friðþjófur biður Ingibjargar
  5. Hringur konungur
  6. Friðþjófur situr að tafli
  7. Unaðarstund Friðþjófs
  8. Skilnaður Friðþjófs og Ingibjargar
  9. Grátur Ingibjargar
  10. Vesturförin
  11. Friðþjófur heimsækir Angantý jarl
  12. Heimkoma Friðþjófs
  13. Baldursbál
  14. Friðþjófur flýr land
  15. Víkingabálkur
  16. Friðþjófur og Björn
  17. Friðþjófur kemur til Hrings konungs
  18. Ísförin
  19. Freistnin
  20. Dauði Hrings
  21. Hringsmál
  22. Konungsvalið
  23. Friðþjófur á haugi föður síns
  24. Sættin

Tengill breyta