EV1 Atlantshafsströndin

EV1 Atlantshafsströndin er 8.186 km löng EuroVelo-hjólaleið sem liggur frá Nordkapp í Norður-Noregi að Porto í Portúgal. Hún liggur um 6 lönd, Noreg, Bretland (Skotland, Norður-Írland, Wales og England), Írland, Frakkland, Spán og Portúgal.

Kort sem sýnir EV1.

Ísland sótti árið 2014 um að verða framlenging á Atlantshafsströndinni með hjólaleið sem næði frá Seyðisfirði til Leifsstöðvar um Suðurlandið .

Leiðin

• Noregur: Leiðin liggur frá Nordkapp um Tromsø, Vestvågøy, Bodø, Þrándheim, Ålesund til Bergen þaðan sem ferja gekk áður til Skotlands.
• Skotland: Leiðin liggur um Aberdeen, Inverness, Glasgow til Stranraer þaðan sem ferja gengur til Norður-Írlands.
• Norður-Írland: Leiðin liggur um Belfast.
• Írland: Leiðin liggur um Galway, Limerick, Cork, Waterford til Rosslare þar sem ferja gengur til Wales.
• Wales: Leiðin liggur um Fishguard og Cardiff.
• England: Leiðin liggur um Bristol og Plymouth þaðan sem ferja gengur til Frakklands.
• Frakkland: Leiðin liggur frá Roscoff, um Nantes, La Rochelle og Arcachon til Hendaye. Leiðin er kynnt í Frakklandi sem Vélodysée.
• Spánn: Leiðin liggur um Pamplóna, Burgos, Salamanca, Merida og Huelva.
• Portúgal: Leiðin liggur um Faro og Sagres og síðan aftur norður til Lissabon og norður fyrir Porto.

Myndir

• 
  Nantes-Brest-skurðurinn í Frakklandi.
• 
  Hjólabraut í Frakklandi.
• 
  Merkingar í Bretlandi.

Tenglar

• Vefur leiðarinnar.