Dagvaktin
Dagvaktin er íslensk sjónvarpsþáttaröð sem er framhald Næturvaktarinnar, og hóf göngu sína í september 2008. Í Dagvaktinni eru persónurnar úr Næturvaktinni, Georg Bjarnfreðarson (Jón Gnarr), Ólafur Ragnar (Pétur Jóhann Sigfússon) og Daníel (Jörundur Ragnarsson), ráðnir sem starfsmenn á hótelinu Bjarkarlundi í Reykhólasveit þar sem hótelstýran Gugga (Ólafía Hrönn Jónsdóttir) ræður ríkjum. Þættirnir eru byggðir upp sem framhaldsþættir meðan þáttaröðin Næturvaktin voru samhangandi sjálfstæðir gamanþættir. Hverjum þætti lýkur þannig með atriði sem skapar væntingar fyrir næsta þátt.
| Dagvaktin | |
|---|---|
| Tegund | Gamanþáttur |
| Handrit | Jóhann Ævar Grímsson Jón Gnarr Jörundur Ragnarsson Pétur Jóhann Sigfússon Ragnar Bragason |
| Leikarar | Jón Gnarr Jörundur Ragnarsson Pétur Jóhann Sigfússon Ólafía Hrönn Jónsdóttir |
| Upphafsstef | Fjöllin hafa vakað |
| Lokastef | Jón pönkari |
| Upprunaland | Ísland |
| Frummál | Íslenska |
| Fjöldi þáttaraða | 1 |
| Fjöldi þátta | 12 |
| Framleiðsla | |
| Klipping | Sverrir Kristjánsson |
| Lengd þáttar | 25 mín |
| Framleiðsla | Saga Film |
| Útsending | |
| Upprunaleg sjónvarpsstöð | Stöð 2 |
| Sýnt | 21. september 2008 – |
| Tímatal | |
| Undanfari | Næturvaktin |
| Framhald | Fangavaktin |
Þættirnir voru frumsýndir í læstri dagskrá á Stöð 2 á sunnudögum klukkan 20:30 haustið 2008. Gert var sérstakt samkomulag við Ríkissjónvarpið um breytingar á sýningartíma þar sem spennuþáttaröð RÚV, Svartir englar, átti upphaflega að fara í loftið kl. 20:20 á sunnudagskvöldum, en hún var þess í stað færð til kl. 19:40 og þátturinn Sunnudagskvöld með Evu Maríu fluttur til kl. 20:30.
