Borgarahreyfingin
Borgarahreyfingin – þjóðin á þing var stjórnmálahreyfing sem var stofnuð 2009 í kjölfar efnahagskreppunnar á Íslandi og bauð fram til Alþingiskosninganna 2009.[1] Skoðanakannanir sýndu jafnt og þétt vaxandi fylgi við hreyfinguna frá því að framboðið var fyrst tilkynnt til fjölmiðla, þann 23. febrúar 2009[2] og stóð það í 6,2% síðustu daga fyrir kosningar.[3] Í kosningunum náði Borgarahreyfingin fjórum þingsætum.
Borgarahreyfingin | |
---|---|
Stofnár | 2009 |
Lagt niður | 2010 |
Gekk í | Hreyfingin |
Höfuðstöðvar | Höfðatún 12, 105 Reykjavík |
Stjórnmálaleg hugmyndafræði |
lýðræði, jafnrétti, réttlæti |
Einkennislitur | appelsínugulur |
Vefsíða | www.borgarahreyfingin.is |
Borgarahreyfingin varð til við samruna Samstöðu-hópsins og hópa sem verið hafa að starfa að lýðræðismálum í Borgartúni 3. Framboðið hlaut nafnið Borgarahreyfingin og tengt því er unnið mikið grasrótarstarf. Á vef Borgarahreyfingarinnar stendur að hún „vilji hreinsa út spillingu, koma á virkara lýðræði og skýrri þrískiptingu valdsins“.[4] Borgarahreyfingin styður persónukjör og hefur lýst því yfir að hreyfingin verði lögð niður eftir að markmiðum hennar hefur verið náð. Meðal annara stefnumála er andstaða við verðtryggð lán, þjóðaratkvæðagreiðslur óski 7% þjóðarinnar þess og stjórnlagaþing haustið 2009.[5]
Eftir að allir þingmenn Borgarahreyfingarinnar yfirgáfu flokkinn eða fóru ýmist í klofning flokksins, Hreyfingin, var flokkurinn með engann þingmann. Flokkurinn var formlega lagður niður árið 2010 og sameinaðist Hreyfingunni. Árið 2012 voru uppi hugmyndir um að Borgarahreyfingin, Hreyfingin og Frjálslyndi flokkurinn myndu sameinast í nýtt stjórnmálaafl fyrir næstu alþingiskosningar 2013, en ekkert varð úr því.
Margrét Tryggvadóttir einn þingmaður flokksins sagði frá því í bókinni Útistöður frá 2014 að flokkurinn væri "dæmdur til þess að springa" og lýsti því að í flokknum hafi reiðasta fólk landsins sameinast og að mögulega gætu átökin í flokknum verið sett út á það að í flokknum var hátt hlutfall óvirkra alkahólista.[6]
Merki Borgarahreyfingarinnar, appelsínugul slaufa, vísaði til appelsínugula borðans sem mótmælendur sem mótmæltu friðsamlega báru.
Formenn stjórnar breyta
Formaður | Kjörinn | Hætti |
Herbert Sveinbjörnsson | 2009 | 2009 |
Baldvin Jónsson | 2009 | 2009 |
Valgeir Skagfjörð | 2009 | 2009 |
Heiða B. Heiðarsdóttir | 2009 | 2010 |
Þórdís B. Sigurþórsdóttir | 2010 | 2010 |
Framboðslistar í alþingiskosningum 2009 breyta
Reykjavíkurkjördæmi norður | Reykjavíkurkjördæmi suður | Norðvesturkjördæmi | |||
---|---|---|---|---|---|
1 | Þráinn Bertelsson | 1 | Birgitta Jónsdóttir | 1 | Gunnar Sigurðsson |
2 | Katrín Snæhólm Baldursdóttir | 2 | Baldvin Jónsson | 2 | Lilja Skaftadóttir |
3 | Jóhann Kristjánsson | 3 | Sigurlaug Ragnarsdóttir | 3 | Guðmundur Andri Skúlason |
4 | Anna B. Saari | 4 | Hannes Ingi Guðmundsson | 4 | Ingibjörg Snorradóttir Hagalín |
5 | Sigurður Hr. Sigurðsson | 5 | Hallfríður Þórarinsdóttir | 5 | Þeyr Guðmundsson |
Norðausturkjördæmi | Suðurkjördæmi | Suðvesturkjördæmi | |||
1 | Herbert Sveinbjörnsson | 1 | Margrét Tryggvadóttir | 1 | Þór Saari |
2 | Björk Sigurgeirsdóttir | 2 | Jón Kr. Arnarson | 2 | Valgeir Skagfjörð |
3 | Hjálmar Hjálmarsson | 3 | Hildur Harðardóttir | 3 | Ingifríður R. Skúladóttir |
4 | Ragnhildur Arna Hjartardóttir | 4 | Ragnar Þór Ingólfsson | 4 | Ragnheiður Fossdal |
5 | Rakel Sigurgeirsdóttir | 5 | Þórhildur Rúnarsdóttir | 5 | Sigríður Hermannsdóttir |
Tilvísanir breyta
- ↑ „Borgarahreyfingin býður fram í öllum kjördæmum“ á Vísi.is (Skoðað 13. apríl 2009).
- ↑ „Borgarahreyfingin býður fram“. Mbl.is. 23. febrúar 2009.
- ↑ „Dregur saman með flokkunum“. mbl.is. 22. apríl 2009. (pdf)
- ↑ „Um Borgarahreyfinguna“. Afrit af upprunalegu geymt þann 22. mars 2009. Sótt 18. mars 2009.
- ↑ „Stefna Borgarahreyfingarinnar“. Afrit af upprunalegu geymt þann 21. apríl 2009. Sótt 23. apríl 2009.
- ↑ „Borgarahreyfingin var dæmd til að springa - RÚV.is“. RÚV. 9. október 2014. Sótt 23. apríl 2024.
Tengill breyta
- Vefsíða Borgarahreyfingarinnar Geymt 30 apríl 2009 í Wayback Machine