Alþingiskosningar 1979

Alþingiskosningar 1979 voru kosningar til Alþingis sem fóru fram 2.-3. desember 1979. Þá hafði starfsstjórn Alþýðuflokks undir forsæti Benedikts Gröndals setið í tæpa þrjá mánuði með hlutleysi Sjálfstæðisflokksins eftir að önnur ríkisstjórn Ólafs Jóhannessonar hafði sprungið fyrir tilverknað Alþýðuflokksins, meðal annars vegna deilna ráðherra Alþýðuflokks og Alþýðubandalags og óstjórnar í efnahagsmálum.

Framsóknarflokkurinn vann góðan kosningasigur með nýjum formanni Steingrími Hermannssyni og fékk 17 þingmenn. Hann bætti þar með upp tapið frá því í kosningunum árið áður þegar hann hafði aðeins fengið 12.

Eftir kosningarnar tóku stjórnarmyndunarviðræður mjög langan tíma og undir lok janúar 1980 hóf forsetinn Kristján Eldjárn að vinna drög að utanþingsstjórn. Þá tók Gunnar Thoroddsen af skarið og myndaði ríkisstjórn með Framsóknarflokki og Alþýðubandalagi með stuðning hluta þingflokks Sjálfstæðismanna en gegn vilja formanns flokksins Geirs Hallgrímssonar.

Niðurstöður breyta

Úrslit Alþingiskosninganna 1979
  Formenn Gild atkvæði Hlutfall Þingsæti Fylgisbreyting¹
Alþýðuflokkurinn Benedikt Gröndal 21.580 17,4% 10 -4,6%
  Framsóknarflokkurinn Steingrímur Hermannsson 30.861 24,9% 17 +8,0%
  Sjálfstæðisflokkurinn Geir Hallgrímsson 43.838 35,4% 21 +2,7%
Alþýðubandalagið Lúðvík Jósepsson 24.401 19,7% 11 -2,8%
Óháð framboð á Suðurlandi Eggert Haukdal 1.484 1,2% 1 +1,2%
Óháð framboð á Norðurlandi eystra Jón G. Sólnes 857 0,7% 0 +0,7%
Fylking baráttusinnaðra kommúnista 480 0,4% 0 +0,2%
Sólskinsflokkurinn 92 0,1% 0 +0,1%
Hinn flokkurinn 108 0,2% 0 +0,2%
Alls 123.751 100% 60  
¹Hlutfallsbreyting frá því kosningunum 1978
Skipting þingsæta
Forseti Alþingis var kjörinn Jón Helgason, Framsóknarflokki.


Fyrir:
Alþingiskosningar 1978
Alþingiskosningar Eftir:
Alþingiskosningar 1983

Tengt efni breyta

Kosningasaga