„Tryggvi Þór Herbertsson“: Munur á milli breytinga

Tryggvi Þór var forstöðumaður Hagfræðistofnunar [[Háskóli Íslands|Háskóla Íslands]] frá [[1995]] til [[2006]], auk þess að vera lektor, dósent og síðast prófessor við sama skóla. Frá áramótum 2008-2009 hefur hann verið prófessor í hagfræði við [[Háskólinn í Reykjavík|Háskólann í Reykjavík]].

Tryggvi er giftur Sigurveigu Maríu Ingvadóttur og á fjögur börn.

 

== Störf Tryggva ==

Eins og að framan segir starfaði Tryggvi Þór lengst af við Háskóla Íslands. Samkvæmt heimildum DV fór Tryggvi þess á leit við [[Björgólfur Guðmundsson|Björgólf Guðmundsson]] árið [[2006]] að sá síðarnefndi myndi kosta prófessorsstöðu í hagfræði sem Tryggvi ætlaði svo að gegna. Tryggvi, sem á þeim tíma var forstöðumaður hagfræðistofnunar Háskóla Íslands, á að hafa reifað hugmyndirnar fyrir samstarfsfólki sínu við háskólann á þann hátt að staðan yrði kennd við Björgólfi.<ref>[http://www.dv.is/frettir/2010/2/10/tryggvithorvildititlasigeftirbjorgolfi/ Tryggvi Þór vildi vera titlaður „Björgólfur“ 2. febrúar 2010]</ref> Benti hann á fordæmi, en við deildina voru þegar stöður kenndar við Bakkavör, Kaupþing og fleiri fyrirtæki auk þess sem Þorvaldur Gylfason hafði gengt lengi stöðu við deildina sem rannsóknarprófessor án kennsluskildu og á ríflegri launum en aðrir prófessorar við deildina. Samkvæmt heimildum DV var hugmyndin sú að Tryggvi átti að fá umtalsvert hærri laun en aðrir kennarar í hagfræði við Háskóla Íslands. Staðan hafi að sögn Tryggva átt að vera rannsóknarstaða við stofnunina. Samkvæmt DV varð ekkert úr þessum fyrirætlunum Tryggva þar sem hann tók síðar á sama ári við störfum forstjóra Askar Capital.

 

=== Skýrsla fyrir olíufélögin ===

Árið [[2004]] réði íslenska olíufélagið [[Skeljungur]] Tryggva ásamt [[Jón Þór Sturluson|Jóni Þór Sturlusyni]] til þess að veita hagfræðilega greiningu á úrskurði [[Samkeppniseftirlitið|Samkeppniseftirlitsins]] um [[samráð olíufélaganna]]. Komust þeir Tryggvi og Jón Þór að því að mjög hefði hallað á olíufélögin í úrskurði Samkeppniseftirlitsins:

{{tilvitnun2|Meginniðurstaða skýrslnanna er sú að mat Samkeppnisstofnunar á meintum ávinningi olíufélaganna vegna meints samráðs þeirra sem fram kom í frumathugun stofnunarinnar sé algjörlega órökstutt og að líkur væru á að hækkun framlegðar ætti sér aðrar og eðlilegar skýringar..|Úr skýrslu Samkeppnisstofnunar.<ref>[http://dev.ecweb.is/samkeppni/upload/files/samkeppnisrad/akvardanir/akv2104-an-trunadaruppl.pdf Skýrsla samkeppnistofnunar, p. 889]</ref>}}

Var umrædd skýrsla gagnrýnd af Samkeppnisráði, sem benti á að skýrslan hefði verið pöntuð af lögmönnum sakborninganna í málinu. Þá taldi Samkeppnisráð það há skýrsluhöfundum að þeir hefðu aðeins fengið til umfjöllunar viðurlagakafla frumathugunarinnar, að þeir hafi ekki nýtt sér að fullu aðgang sem þeir höfðu að upplýsingum úr rekstri olíufélaganna og að þá skorti yfirsýn yfir framkvæmd sambærilegra mála erlendis og þá aðferðafræði sem gengur og gerist í málum sem þessum.<ref>[http://timarit.is/view_page_init.jsp?pageId=3614004 Ómálefnalegar aðdróttanir]; lesendagrein í Morgunblaðinu 5. nóvember 2004 eftir Jón Þór Sturluson og Tryggva Þór Herbertsson, bls 28</ref> Þessum ásökunum vísuðu skýrsluhöfundar á bug.<ref>[http://timarit.is/view_page_init.jsp?pageId=3614005 Ómálefnalegar aðdróttanir]; lesendagrein í Morgunblaðinu 5. nóvember 2004 eftir Jón Þór Sturluson og Tryggva Þór Herbertsson, bls 29</ref>

 

Þess má geta að dómstólar tóku undir gagnrýni þeirra Jóns og Tryggva og lækkuðu sektarfjárhæðir þær sem Samkeppnisstofnun fór fram á verulega.

 

Árið 2006 kannaði hann sem forstöðumaður [[Hagfræðistofnun Háskóla Íslands|Hagfræðistofnunar]] fjármálastöðugleikann á Íslandi ásamt [[Frederic Mishkin]], prófessor við [[Columbiaháskóli|Columbíuháskóla]] sem síðar sama ár varð einn af seðlabankastjórum Bandaríkjanna. Skýrsla þeirra varð síðar umdeild, þar sem niðurstaða hennar var sú að raunhagkerfið á Íslandi væri traust sem margir túlkuðu sem heilbrigðisvottorð fyrir fjármálakerfið.<ref>[http://timarit.is/view_page_init.jsp?pageId=3892683 Toppfræðingur gefur góða einkunn; grein í Fréttablaðinu 2006]</ref> Þá hafa ýmsir, til að mynda [[Robert Wade]], prófessor við [[London School of Economics]], og þekktur róttæklingur af vinstri vængnum, haldið því fram að Tryggvi Þór hafi verið eini höfundur skýrslunnar, Frederic Mishkin hafi fengið greidda 135 þúsund dollara frá [[Viðskiptaráð Íslands|Viðskiptaráði Íslands]] fyrir það eitt að leggja nafn sitt við það sem Robert Wade kallar "rýra skýslu" Tryggva Þórs. Hefur hann sagt að hagfræðinemar hefðu fengið falleinkunn fyrir þau vinnubrögð sem viðhöfð eru í skýrslunni.<ref>[http://www.pressan.is/Vidskipti/Lesavidskiptafrettir/professorhaedistadskyrslumislenskrafraedimannafengjufalleinkunnihagfraedinami Prófessor hæðist að skýrslum íslenskra fræðimanna: Fengju falleinkunn í hagfræðinámi; grein á Pressan.is 2. maí 2010]</ref> Í skýrslu [[rannsóknarnefnd Alþingis|rannsóknarnefndar Alþingis]] segir að öldur hafi lægt að nokkru leyti eftir útgáfu skýrslunnar, en viðhorf útlendra fjárfesta hafði breyst til hins verra fram að útgáfu skýrslunnar árið 2006.<ref>[http://rna.althingi.is/pdf//RNABindi7.pdf|titill=Skýrsla rannsóknarnefndar Alþingis, 7. bindi, bls. 232]</ref>

 

{{tilvitnun2|We attach a link here, and spend the rest of this report going through in detail, a report that for us was entirely convincing as to why Iceland is not on the cusp of a meltdown.|Úr skýrslu Morgan Stanley: Icelandic Banks: Seeing the Facts through the Frenzy, 12 maí, 2006.}}

 

Varðandi trúverðugleika skýrslunnar sagði greiningardeild Morgan Stanley:

 

{{tilvitnun2|We note that the report was commissioned by the Icelandic Chamber of Commerce. However, we are familiar with Prof. Mishkin’s work and do not believe in the slightest that the report he has written, along with Tryggvi Thor Herbertsson, of the University of Iceland, is biased based on who commissioned the report. Further, the arguments simply make a lot of sense.|Úr skýrslu Morgan Stanley: Icelandic Banks: Seeing the Facts through the Frenzy, 12 maí, 2006.}}

Frederic Mishkin mátti sæta gagnrýni fyrir að breyta eftir [[Bankahrunið á Íslandi|hrun]] heiti skýrslunnar á ferilskrá sinni úr ''Financial Stability in Iceland'' (Fjármálastöðugleiki á Íslandi) í ''Financial Instability in Iceland'' (Fjármála'''ó'''stöðugleiki á Íslandi).<ref>[http://www.bloomberg.com/news/20100517/bankbossesshouldgoaftermassivefraudfilmmakersays.html Bank Bosses Should Go After ‘Massive Fraud,’ Filmmaker Says; grein á Bloomberg fréttaveitunni 17. maí 2010]</ref>

 

 

==Forstjóri Askar Capital==

Árið [[2006]] varð hann forstjóri fjárfestingarbankans [[Askar Capital]] og var það frá stofnun hans til júlí [[2008]] þegar hann tók við stöðu sérstaks efnahagsráðgjafa [[Geir Haarde|Geirs Haarde]] forsætisráðherra.<ref>[http://timarit.is/view_page_init.jsp?pageId=4003558 Peningaskápurinn; grein í Fréttablaðinu 2008]</ref>

Í tilefni af opnun Aska Capital árið [[2006]] var Tryggvi Þór spurður af fréttastofu RÚV um hlutverk Aska. Sagði þá Tryggvi Þór: „Við ætlum að fara að bjóða upp á flókna fjármálalega gjörninga og fjármálalegar vörur fyrir stofnanafjárfestingar, fyrir viðskiptabankanna og fyrir ja, stóra fjárfesta.” Fréttamaðurinn fylgdi spurningunni eftir og bað Tryggva Þór um að nefna dæmi. Þá svaraði hann: „Ja, við gætum til dæmis nefnt einhverjar afleiður sem eru tengdar fasteignum í öðrum löndum eða, já til dæmis.”<ref>[http://halla.is/?p=714 Fjármálagaldrar til sölu : Halla Gunnarsdóttir]</ref>

===Notkun á bótasjóðum Sjóvár í fjárfestingar===

Askar Capital höfðu umsjón með fjárfestingaverkefnum fyrir [[Sjóvá]] og [[Milestone]] en tóku þó engan hátt þátt í fjárfestingarákvörðunum. Verðmæti verkefnanna hljóp á hundruðum milljarða króna og voru meðal annars bótasjóðir Sjóvár notaðir til að fjármagna verkefninin. Eftir að upp komst um notkun bótasjóðanna gerði embætti sérstaks saksóknara húsleit í höfuðstöðvum Sjóvár, í höfuðstöðvum Milestone, á heimilum allra fyrrverandi stjórnarmanna og á heimili Þórs Sigfússonar, fyrrverandi forstjóra Sjóvár.<ref>[http://www.visir.is/husleithjamilestoneogsjova/article/2009246782519 Húsleit hjá Milestone og Sjóvá 7. júlí 2009]</ref>

Var það gert vegna meintrar misnotkunar á bótasjóði Sjóvár en um sjóðinn gilda strangar reglur hvað varðar not á fé úr honum til fjárfestinga.<ref>[http://www.visir.is/husleithjamilestoneogsjova/article/2009246782519 Húsleit hjá Milestone og Sjóvá 7. júlí 2009]</ref>

Tryggvi Þór kveðst hafa vitað að bótasjóðir væru notaðir í fjárfestingarnar. Hann hafi gert sér fullkomlega grein fyrir því að verið væri að kaupa eignir inn í bótasjóðina, fjárfest hefði verið í ýmsu með slíkum sjóðum. Aftur á móti telur hann að notkun bótasjóðanna til fjárfestingar hafi verið lögleg enda hafi þeir verið undir eftirliti Fjármaáleftirlitsins.<ref>[http://eyjan.is/2009/07/07/tryggvithorloglegtadbotasjodirfjarfestiifasteignumfjarmalaeftirlitidvissiumvidskiptin/ Tryggvi Þór: Löglegt að bótasjóðir fjárfesti í fasteignum. Fjármálaeftirlitið vissi um viðskiptin 7. júlí 2009]</ref>

Svo fór þó að fjárfestingar fyrir fjármuni bótasjóðsins enduðu sumar illa og árið 2008 var eignastaða Sjóvá var orðin það slæm að félagið átti ekki fyrir vátryggingaskuld sinni en það eru þeir fjármunir sem tryggingafélag skuldar viðskiptavinum sínum vegna greiddra iðgjalda, svonefndur bótasjóður. Á endanum þurfti íslenska ríkið að lána Sjóvá um 12 milljarða króna af fé skattgreiðenda sumarið 2009 svo það uppfyllti skilyrði um gjaldþol og gæti staðið við vátryggingaskuldbindingar sínar.<ref>[http://www.dv.is/frettir/2010/2/26/fmeveittisjovafjorumsinnumfrestutafbotasjodnum/ Misnotuðu bótasjóðinn: Fengu minnst fjórar aðvaranir. Grein í DV, 26. febrúar 2010]</ref>

 

===Greiðslur frá Askar Capital===

Nokkuð hefur verið gagnrýnt að Tryggvi Þór hafi þegið samtals 16,5 milljónir í greiðslu frá Askar Capital á sama tíma og hann gegndi stöðu efnahagsráðgjafa forsætisráðherra árið 2008. <ref>[http://www.dv.is/frettir/2010/2/8/fekkgreidslurfraaskarogvarsamatimaefnahagsradgjafi/ Fékk milljónir frá Askar og var á sama tíma efnahagsráðgjafi. Grein í DV, 8. febrúar 2010]</ref> Tryggvi vísaði þó allri gagnrýni á bug og benti á að greiðslan væri samningsbundið uppgjör við Askar fyrir fyrri hluta ársins 2008 og því væri það rangt að hann hafi verið á launum hjá bankanum á sama tíma og hann var efnahagsráðgjafi.<ref>[http://www.dv.is/frettir/2010/2/8/fekkgreidslurfraaskarogvarsamatimaefnahagsradgjafi/ Fékk milljónir frá Askar og var á sama tíma efnahagsráðgjafi. Grein í DV, 8. febrúar 2010]</ref>

 

==Aðkoma Tryggva Þórs að bankahruninu==

Tryggvi Þór var fimmti efnahagsráðgjafi forsætisráðuneytisins frá upphafi.<ref>[http://timarit.is/view_page_init.jsp?pageId=3632348 Sautján ár frá síðasta efnahagsráðgjafa; grein í 24 stundum 2008]</ref>

Sem efnahagsráðgjafi forsætisráðherra reyndi hann að sefa ótta útlendinga við að íslensku bankarnir yrðu gjaldþrota.<ref>[http://news.bbc.co.uk/2/hi/programmes/moneybox/7652519.stm Icelandic banks reassure savers; grein á vef BBC 6. október 2008]</ref>

{{tilvitnun2|texti='''Spyrill''': Myndi ríkisstjórnin hafa efni á að bjarga öðrum stórum banka?<br/>

'''Tryggvi Þór''': Það er augljóst að bankakerfið á Íslandi er mjög stórt miðað við hagkerfið, en við höldum samt sem áður að við getum átt við vandann, því efnahagsreikningurinn er eftir allt mjög góður, það er að segja eignahlið efnahagsreikningsins, og þar sem [bankarnir] hafa ekki keypt húsnæðislán frá Bandaríkjunum eða frá útlöndum. Þannig að við erum frekar viss um að efnahagsreikningarnir séu heilbrigðir og að bankarnir geti starfað á heilbrigðan hátt í framtíðinni.<br/>

'''Spyrill''': Já, en svo ég endurtaki spurninguna, ef einn [bankanna] lenti í vandræðum þrátt fyrir það sem þú sagðir, hefðuð þið efni á að bjarga honum?<br/>

'''Tryggvi Þór''': Alveg örugglega, við myndum koma bankanum til bjargar, alveg örugglega.<br/>

'''Spyrill''': Fullt af fólki í Bretlandi eru með sparnað í þessum tveimur bönkum, Landsbankanum og Kaupþingi. Er peningurinn þeirra öruggur?<br/>

'''Tryggvi Þór''': Já, samkvæmt minni vitneskju er Ísland hluti af Evróputilskipun um innistæðutryggingar, þannig að já, svo ætti að vera.<br/>

'''Spyrill''': Ég veit að þið eruð hluti af tilskipuninni, ég er að spyrja hvað myndi gerast ef fólkið kæmi til ykkar, mynduð þið segja "Við getum borgað ykkur 20 þúsund evrurnar" eða mynduð þið segja "Efnahagslífið er í svo miklum vanda, mér þykir það leitt, en við getum ekki staðið við þessar skuldbindingar."<br/>

'''Tryggvi Þór''': Nei við erum ekki í svo miklum vanda, og líka, veistu, sumir íslensku bankanna starfa úr útibúi í Bretlandi, svo breska [ innistæðutryggingakerfið] á við um þá banka. <br/>

'''Spyrill''': Það á við um Kaupþing, en eins og ég skil við þetta á það ekki við um Landsbankann. En það er þá engin hætta á að þið hafið ekki nægan pening til að greiða skuldbindingar við breska sparifjáreigendur ef þeir leita til [tryggingasjóðs innistæðueigenda] á Íslandi?<br/>

{{tilvitnun2|texti=Þannig var að síðasta haust þegar það lá fyrir að gerðar voru miklar kröfur á okkur Íslendinga um að gangast í ábyrgðir fyrir hina svokölluðu Icesavereikninga sem Landsbanki Íslands hafði tekið á móti þá var sett mikil pressa á okkur Íslendinga. Þetta byrjaði frekar létt sem pressa frá Hollendingum og Bretum en vegna þess ástands sem var í heiminum og sérstaklega í Evrópu varð það fljótt að helsta áhugamáli Evrópuþjóða að Íslendingar viðurkenndu þá skyldu sína, sem þeir kölluðu svo, að gangast í ábyrgðir fyrir innlánstryggingarsjóðinn. Nú er það svo að Ísland er aðili að þjónustutilskipun Evrópusambandsins vegna þess að við erum partur af EESsvæðinu og með tilskipun um starfsemi fjármálafyrirtækja hafa Íslendingar eins og önnur EESríki leyfi til að vera í fjármálastarfsemi yfir landamæri. Vegna þessa setti Evrópusambandið tilskipun um hvernig innlánstryggingum ætti að vera háttað á svæðinu. Hún gengur í stuttu máli út á það að öll aðildarlöndin, hvert og eitt, eiga að vera með innlánstryggingarsjóð og það er kveðið á um hvernig útlitið á þeim sjóði eigi að vera en það er ekki kveðið á um að það sé ríkisábyrgð á sjóðnum. Það hefur verið seinni tíma túlkun hjá Evrópusambandinu að þar sé um einhvers konar ríkisábyrgð að ræða og Íslendingar hafa ávallt hafnað því en þrátt fyrir það gengist undir það að ganga frá þessu máli þannig að Íslendingar taki ábyrgð á innlánstryggingarsjóðnum á sig. Í október í fyrra voru Íslendingar þvingaðir til að undirgangast það að greiða Hollendingum og Bretum til baka það sem þeir höfðu lagt út eða mundu leggja út fyrir vegna innlánstrygginga og það var gert með bolabrögðum.|höfundur=Úr ræðu Tryggva Þórs Herbertssonar|hvaðan=á Alþingi 9. desember 2009 <ref>{{vefheimild|url=http://www.althingi.is/altext/raeda/138/rad20091205T173548.html|titill=Tryggvi Þór Herbertsson|útgefandi=ræða á Alþingi um Icesave reikningana,|ár=2009|mánuður=5. desember}}</ref>|leturstærð=9pt}}

[[Björgvin G. Sigurðsson]], sem var bankamálaráðherra á tíma bankahrunsins, hefur gagnrýnt Tryggva Þór Herbertsson fyrir að halda mikilvægum upplýsingum frá sér við fall bankanna.

{{tilvitnun2|texti=Jón [Þór Sturluson] hringdi í Tryggva, að mér heyrandi, og gekk mjög á hann á laugardeginum, og hinn bara fullyrti alveg „nei, nei, ekkert að gerast, bara fara yfir bankana, forsætisráðherra var að koma heim,“ og bara alveg blákalt. Og Jón trúði honum og við bara líka, maður reiknar ekki með því að það sé alltaf verið að ljúga að manni.|höfundur=Skýrsla Björgvins G. Sigurðssonar fyrir rannsóknarnefnd Alþingis|hvaðan=19. maí 2009, bls. 53<ref>{{vefheimild|url=http://rna.althingi.is/pdf//RNABindi7.pdf|titill=Skýrsla rannsóknarnefndar Alþingis, 7. bindi, bls. 17}}</ref>|leturstærð=9pt}}

Helgina 4.5. október 2008 var settur á fót sérstakur sérfræðingahópur á vegum forsætisráðherra, en í hópnum sátu Tryggvi Þór (sem er rangt hjá rannsóknarnefnd Alþingis), Friðrik Már Baldursson, Jón Steinsson, Bogi Nils Bogason og Jón Þór Sturluson. Var formfestan við skipan hópsins gagnrýnd af rannsóknarnefnd Alþingis. Þannig segir nefndin:

{{tilvitnun2|texti=Að mati rannsóknarnefndar Alþingis skorti verulega á verkstjórn og markviss vinnubrögð hjá íslenskum stjórnvöldum um þetta leyti. Í þessu samhengi má einnig nefna að þegar sérfræðingahópurinn hóf störf byrjuðu meðlimir hans á því að halda í Háskólann í Reykjavík þar sem prenta átti út ársskýrslur og árshlutaskýrslur bankanna. |höfundur=skýrsla rannsóknarnefndar Alþingis|hvaðan= bls. 253<ref>{{vefheimild|url=http://rna.althingi.is/pdf//RNABindi7.pdf|titill=Skýrsla rannsóknarnefndar Alþingis, 7. bindi, bls. 253}}</ref>|leturstærð=9pt}}

Tryggvi gegndi því starfi efnahagsráðgjafa þar til hann sagði af sér seinnipart október [[2008]], en afsögnin kom í kjölfar þess að Tryggvi hafði verið mótfallinn yfirtöku ríkisins á [[Glitnir banki|Glitni]].<ref>[http://timarit.is/view_page_init.jsp?pageId=4010085 Var andvígur yfirtöku Glitnis; grein í Fréttablaðinu 2009]</ref>

 

Tryggvi skipaði annað sæti á framboðslista Sjálfstæðisflokksins í Norðausturkjördæmi fyrir kosningarnar 2009.<ref>[http://eyjan.is/blog/2009/02/19/tryggvithorherbertssoniframbod/ Tryggvi Þór Herbertsson í framboð; af Eyjunni.is]</ref> Helsta kosningaloforð hans var að takast á við skuldavandann sem skapaðist í kjölfar hrunsins. Hann vildi leiða afskriftir í bankakerfinu til skuldara og fella niður 20% af skuldum heimila og fyrirtækja. Þá vildi Tryggvi Þór afnema vaxtabótakerfið „og gera vexti og verðbætur vegna fjárfestinga í íbúðarhúsnæði frádráttarbær frá skatti næstu 5 árin án tillits til ráðstöfunartekna en með þaki á virði íbúðarhúsnæðis.“

 

 

Í september 2010 lenti Tryggvi í ritdeilu við rithöfundinn [[Andri Snær Magnason|Andra Snæ Magnason]]. Fyrst birti Andri greinina „''Í landi hinna klikkuðu karlmanna''“<ref>[http://www.andrisnaer.is/2010/09/ilandihinnaklikku%C3%B0ukarlmanna/ ''Í landi hinna klikkuðu karlmanna''], grein eftir Andra sem birtist einnig í Fréttablaðinu 11. september 2010</ref> á vef sínum og í Fréttablaðinu. Í henni gagnrýndi hann [[stóriðjustefna|stóriðjustefnu]] íslenskra stjórnvalda og notaði gífuryrði eins og „klikkaðir“, „óðir“ og „geðveikir“ til þess að lýsa „íslensku elítunni“ þar á meðal Tryggva Þór. Tryggvi Þór svaraði greininni með grein í Fréttablaðinu viku seinna undir fyrirsögninni ''Alkemistinn''.<ref>[http://www.visir.is/alkemistinn/article/201011714288 ''Alkemistinn''], grein í Fréttablaðinu 18. september 2010</ref> Þar segir Tryggvi "Á undanförnum árum hefur blómstrað nýr iðnaður í heiminum. Þessi iðnaður gengur út á að vera á móti flestu sem elítan í bisness og stjórnmálum – borgarastéttin – tekur sér fyrir hendur. Þar ægir saman alls konar hugmyndum sem flestar standa þó á grunni and-kapitalisma og and-alþjóðavæðingar. Sennilega er frægastur þessara ný-iðnaðarmanna á alþjóðavísu Michael Moore og innanlands títtnefndur Andri Snær Magnason. Andri Snær bætir reyndar um betur og hellir einhverskonar vist-femínisma í súpuna. Málflutningurinn er póstmódernískur – allt gengur ef góð saga er sögð. Drengirnir sem áður voru hetjur framtíðarinnar í óklipptu draumalandinu eru nú andhetjur og klikkhausar með fósturfitu í hárinu. Ný-iðnaðarmennirnir eru sannir alkemistar – ekki að þeir búi til gull úr skít heldur fá þeir greitt í gulli fyrir að kasta skít."