„Bayeux-refillinn“: Munur á milli breytinga

Efni eytt Efni bætt við

Innfellt

Útgáfa síðunnar 18. október 2010 kl. 18:04

Bayeux-refillinn – (borið fram: baju-refillinn) – er 70 metra langt og um 50 cm breitt refilsaumað klæði, sem sýnir orrustuna við Hastings árið 1066. Refillinn er varðveittur í safni skammt frá dómkirkjunni í Bayeux í Normandí.

Um refilinn

Bayeux-refillinn var líklega gerður samkvæmt pöntun frá Odo biskupi af Bayeux, sem var hálfbróðir Vilhjálms sigursæla. Talið er að hann hafi verið saumaður í nunnuklaustri á Englandi. Á reflinum er aðdragandi orrustunnar við Hastings og orrustan sjálf sýnd í myndasöguformi, sem var skiljanlegt öllum almenningi. Tilgangurinn hefur verið að halda á lofti þessum sögulega atburði, auk þess sem það hafði áróðursgildi að sýna atburðina frá sjónarhóli sigurvegaranna. Á 19. öld töldu sagnfræðingar að kona Vilhjálms, Matthildur af Flæmingjalandi, hafi látið sauma refilinn, en það getur tæplega staðist.

Bayeux-refillinn hefur líklega varðveist af því að hann var svo langur, að hann var aðeins hengdur upp við hátíðlegustu tækifæri. Í fornöld hafa slíkir reflar verið algengir, en yfirleitt í smærri stíl – styttri.

Eftirgerð í fullri stærð var árið 1886 sett upp í safni í Reading á Englandi. Árið 2000 hófu handverksmenn í Álaborg í Danmörku að gera nákvæma eftirmynd, með upprunalegum aðferðum og jurtalituðu garni. Í febrúar 2010 vantaði 20 metra upp á að verkinu væri lokið.

Tengt efni

Heimildir

Mogens Rud: Bayeux Tapetet og slaget ved Hastings 1066, Christian Ejlers' Forlag, 1996. ISBN 87-7241-704-8.

Tenglar

Myndefni

Skip Haralds Guðinasonar strandar við Ponthieu.
Normannskir riddarar.
Hermenn Vilhjálms ráðast á kastala í Bretagne.
Halastjarna Halleys.
Vilhjálmur í hásæti sínu.

Snið:Link GA