„Þorlákur helgi Þórhallsson“: Munur á milli breytinga

'''Þorlákur Þórhallsson ''helgi''''' ([[1133]] – [[23. desember]] [[1193]]) vígðist ungur sem [[prestur]], menntaðist síðan í mörg ár erlendis, innleiddi á Íslandi [[Ágústínusarregla | reglu Ágúsínusarkanoka]] og gerðist [[ábóti]] en var síðast [[biskup]] í [[Skálholt]]i frá [[1178]]. Hann vann að siðbót á Íslandi og reyndi að innleiða lög og venjur, sem kirkjan beitti sér fyrir í öðrum löndum. Hann var árið [[1198]] tekinn í helgra manna tölu á Alþingi, og [[1984]] útnefndi páfastóll hann [[Verndardýrlingur | verndardýrling]] Íslands.

Þorlákur fékk snemma á sig orð sem helgur maður sem gott var að heita á. Hann var tekinn í dýrlinga tölu á Íslandi og áheit á hann leyfð árið [[1198]]. Páll Skálholtsbiskup lýsti því yfir í [[lögrétta | lögréttu]] á Pétursmessudag [[29. júní]]. Bein Þorláks voru tekin upp [[20. júlí]] það sama ár. Hann á tvo [[dýrlingadagur|messudaga]] á ári; dánardag sinn, [[Þorláksmessa á vetri|Þorláksmessu á vetri]], 23. desember og [[Þorláksmessa á sumri|Þorláksmessu á sumri]] 20. júlí. Þá voru sungnar [[Þorlákstíðir]]. Einnig var samin [[Þorláks saga]], sem er til í nokkrum gerðum. Og fjölmörgum sögum um [[kraftaverk]], sem eignuð voru árnaðarorði hans, var safnað saman í [[Jarteinabækur Þorláks helga]]. Páll biskup lét gera mikið og vandað [[Þorláksskrín]], sem fór forgörðum eftir siðskipti. Sagt er, að smábrot af helgum dómi biskupsins sé varðveitt í vegg [[Múrinn | Magnúsardómkirkju í Færeyjum]].

[[Jóhannes Páll II]] [[páfi]] útnefndi Þorlák verndardýrling Íslands [[14. janúar]] [[1984]].<ref>''Acta Apostolicae Sedis'', bindi LXXVI, bls. 438, Typis Polyglottis Vaticanis M-DCCCC.LXXXIV.</ref> Þannig lagði hann „réttilega áherslu á, að nærvera trúarinnar mótar" þetta land, sagði [[Benedikt 16. | Benedikt páfi XVI.]]<ref>[http://www.vatican.va/holy_father/benedict_xvi/speeches/2008/december/documents/hf_ben-xvi_spe_20081218_iceland_it.html Benedikt páfi XVI. í ávarpi til nýskipaðs sendiherra 18. desember 2008]. Skoðað 27. ágúst 2010.</ref>