„Teitur Gunnlaugsson“: Munur á milli breytinga

Teitur var annar helsti andstæðingur [[Jón Gerreksson|Jóns Gerrekssonar]] biskups og var handtekinn og hafður í haldi í [[Skálholt]]i ásamt [[Þorvarður Loftsson|Þorvarði Loftssyni]]. Þorvarður slapp þó um haustið en Teitur sat í varðhaldi veturinn [[1432]]–[[1433]], fram til páska. Sagan segir að hann hafi komist undan þegar veisla var haldin í Skálholti og þeir sem áttu að gæta Teits urðu drukknir og týndu lyklunum en þjónustustúlka á staðnum fann þá og opnaði fyrir Teiti, svo að hann komst undan. Í [[Árbækur Espólíns|Árbókum Espólíns]] segir að hann hafi tekið stúlkuna með sér austur í Hornafjörð, gefið henni tuttugu hundraða jörð og gift hana ríkum manni.

 

 

Teitur er einn þeirra sem nefndir eru í hyllingarbréfi [[Eiríkur af Pommern|Eiríks konungs af Pommern]] [[1431]] og taldi hann Eirík eina löglega konunginn þaðan í frá, því þótt Eiríkur væri settur af [[1440]] vildi Teitur aldrei hylla annan konung að Eiríki lifandi, hvorki [[Kristófer af Bæjaralandi]] né [[Kristján 1.]], fyrr en [[1459]], þegar hann var leystur frá eið sínum með alþingisdómi, en þá var Eiríkur látinn. Hann virðist hafa verið mjög valdamikill og í miklum metum, þar sem hann komst upp með að neita að hylla konungana þótt hirðstjórar reyndu ítrekað að fá hann til þess.