„Aaron Burr“: Munur á milli breytinga

'''Aaron Burr jr.''' ([[6. febrúar]] [[1756]], í [[Newark]] í [[New Jersey]] -– [[14. september]] [[1836]], á [[Staten Island]]) var þriðji [[varaforseti]] [[Bandaríkin|Bandaríkjanna]], ([[1801]] -– [[1805]]) undir [[Thomas Jefferson]] og var fyrsti varaforsetinn sem ekki varð forseti Bandaríkjanna. Hann barðist í [[bandaríska frelsisstríðið|frelsisstríðinu]] og gengdi mikilvægu pólitísku hlutverki í árdaga Bandaríkjanna.

Aaron Burr var lögfræðingur að mennt og fylgdi flokki demókratískra repúblikana í [[New York]] að málum. Hann sat á fylkisþingi New York [[1784]] - –[[1785]] og [[1798]] -– [[1799]], var dómsmálaráðherra fylkisins 1789 -– 1791 og öldungardeildarþingmaður á [[Bandaríkjaþing]]i [[1791]] -– [[1797]]. Burr var í framboði til forsetaembættisins árið [[1800]] og urðu hann og Thomas Jefferson jafnir, með 73 kjörmenn hvor. Það kom því til kasta fulltrúadeildar Bandaríkjaþings að kjósa á milli Burr og Jefferson. Á þessum tíma giltu aðrar reglur en nú um kosningu forseta og varaforseta, þannig að sá sem varð í fyrsta sæti varð forseti en sá sem lenti í öðru sæti varð varaforseti. Þetta þýddi að í þessum tveimur æðstu embættum gátu setið menn sem ekki tilheyrðu sama flokki (þessu var breytt með stjórnarskrárbreytingu [[1804]]). Eftir 36 atkvæðagreiðslur í þinginu var Jefferson loks kosinn forseti en Burr varaforseti.

Aaron Burr beið lægri hlut í kosningum til fylkisstjóra New York [[1804]]. Í þeim kosningum var Burr gagnrýndur hart af [[Alexander Hamilton]], en þeir höfðu lengi eldað grátt silfur saman í stjórnmálum. Eitt sinn voru þeir báðir, Burr og Hamilton, gestir í veislu og móðgaðist Burr við Hamilton og skoraði hann á hólm í [[einvígi]]. Einvígið fór fram [[11. júlí]] [[1804]] og særði Burr Hamilton til ólífis. Burr var ákærður fyrir morð, bæði í New York og New Jersey, en ákærurnar voru seinna látnar niður falla. Einvígið sætti hinsvegar það mikilli gagnrýni, að það eyðilagði frekari frama Burrs í stjórnmálum. Eftir nokkurra ára sjálfskipaða útlegð erlendis flutti Burr aftur til New York og stundaði lögfræðistörf, en lifði að öðru leyti kyrrlátu lífi til dauðadags´án frekari þátttöku í stjórnmálum.

[[Flokkur:Saga Bandaríkjanna|Burr, Aaron]]

[[Flokkur:Varaforsetar Bandaríkjanna|Burr, Aaron]]

{{fdfde|1756|1836|Burr, Aaron}}