„Hraun (Fljótum)“: Munur á milli breytinga

Frá Hraunum er góð útsýn um Fljótin og yfir Skagafjörð. Bærinn stendur í brekku fyrir ofan [[Miklavatn (Fljótum)|Miklavatn]] og milli þess og sjávar er langur grandi sem kallast [[Hraunamöl]]. Þaðan var útræði áður fyrr. Norðan við hana er vik er nefnist Hraunakrókur. Þar var drepinn [[hvítabjörn]] sem gekk á land á Hraunum árið [[1870]]. Þjóðleiðin til [[Siglufjörður|Siglufjarðar]] lá og liggur enn framhjá Hraunum — áður upp Hraunadal um [[Siglufjarðarskarð]] en nú um [[Almenningar (Siglufjarðarvegi)|Almenninga]] og [[Strákagöng]] — og þar var því mjög gestkvæmt fyrr á tíð. Seint á 19. öld var komið þar á fót verslun sem síðar fluttist þó til [[Haganesvík]]ur.

Á Hraunum var löngum stórbýli, enda fylgja jörðinni ýmis hlunnindi, svo sem veiði í Miklavatni og [[æðarvarp]]. Einna þekktastur HraunsbændaHraunabænda á síðari öldum er [[Einar Baldvin Guðmundsson]] (1841-1910), alþingismaður og kaupmaður. Hann var þríkvæntur og átti fjölda barna og kallast afkomendur hans Hraunaætt.