„AK-47“: Munur á milli breytinga
Ekkert breytingarágrip |
(Enginn munur)
|
Útgáfa síðunnar 22. mars 2006 kl. 00:23
AK-47 (Avtomat Kalashnikova 1947) er rússnesk vélbyssa sem hönnuð var af Mikhail Kalashnikov árið 1947 og hefur verið framleitt í fyrrum Sovétríkjunum og nú Rússlandi alveg síðan. Fyrirtækið IZH hefur alla tíð annast framleiðslu vopnsins og gerir enn. AK-47 og fjöldinn allur af tilbrigðum hennar eru mest seldu vopn í heiminum í dag, en yfir 100 milljón svona vopn hafa verið framleidd.
Saga AK-47
Mikhail Kalashnikov var byrjaður að hanna vopnið strax í huganum þegar hann á lá á sjúkrahúsi árið 1943, eftir að hafa verið særður í orrustunni við Bryansk. Svo árið 1947 hannaði hann þetta einfalda og endingargóða vopn undir áhrifum frá M1 Garand riflinum. Margir vilja meina að hann hafi líka verið mikið undir áhrifum frá þýsku StG44 byssunni.
Virkni AK-47
AK-47 er þekkt sem endingargóð, einföld, örugg og öflug vélbyssa. Hún skýtur 7.62 × 39 mm byssukúlum á 710m/s hraða. Hún er þó ekki mjög langdræg né nákvæm, en upp á þessu vegur endingargildið. Hún dregur um 300 metra og skýtur býsna hratt, eða um 600 kúlum á mínútu (gefið að hún þyrfti að sjálfsögðu ekki að endurhlaða).