|
[[Mynd: David Stefansson National Poet of Iceland.jpg |thumb|right|[[Davíð Stefánsson]] frá Fagraskógi samdi hátíðarljóðið „Gagnfræðaskóli Norðurlands“ sem varð síðar Skólasöngur Menntaskólans á Akureyri.]]
'''Skólasöngur [[Menntaskólinn á Akureyri|Menntaskólans á Akureyri]]''' (MA) er tekinnfimmti fráhluti fimmta hlutahátíðarljóðsins [[HátíðarljóðiðGagnfræðaskóli „GagnfræðaskóliNorðurlands Norðurlands“(hátíðarljóð)|hátíðarljóðsins „Gagnfræðaskóli Norðurlands“]] sem samið var af [[Davíð Stefánsson|Davíð Stefánssyni]] þjóðskáldi frá Fagraskógi, samdi í tilefni fimmtíu ára afmælishátíðafmælishátíðar Möðruvallarskóla og sem frumflutt var [[1. júní]] [[1930]]. [[Páll Ísólfsson]] samdi tónlistina við sama tilefnihátíðarljóðið. Skólasöngur er sunginn við setningu skólans og skólaslit ár hvert.
Hátíðarljóðið „Gagnfræðaskóli Norðurlands“ var samið í tilefni skólahátíðar sem haldin var 31. maí og 1. júní 1930 á Möðruvöllum í Hörgárdal og á Akureyri. Þar var fagnað fimmtíu ára afmælishátíð Möðruvallarskóla, en það var fyrsti gagnfræðaskóli landsins og ætlað í upphafi að kenna verðandi bændum hagnýt fræði. Eftir brunann á Möðruvöllum var skólinn fluttur til Akureyrar og nafni hans var breytt í „Gagnfræðaskólinn á Akureyri“. Með lögum frá Alþingi árið 1930 fékk Gagnfræðaskólinn á Akureyri full réttindi menntaskóla og nefnist Menntaskólinn á Akureyri. Nýjum lögum um menntaskólaréttindi var því einnig fagnað á skólahátíðinni 1930.
::sigurþrek hins vitra manns.
::Sýnum það að afl og andi
::eigi skóla norðanlands.
== Um skáldið frá Fagraskógi ==
Davíð Stefánsson fæddist í Fagraskógi þann 21. janúar árið 1895. Foreldrar hans voru Stefán Baldvin Stefánsson bóndi og síðar alþingismaður og Ragnheiður Davíðsdóttir frá Hofi í Hörgárdal. Hann lauk gagnfræðaprófi frá Gagnfræðaskólanum á Akureyri árið 1911. Á árunum 1915–1916 dvaldist hann í Kaupmannahöfn og hófst skáldferill hans þar. Síðar hóf hann nám við Menntaskólann í Reykjavík og lauk þaðan stúdentsprófi árið 1919, en það ár kom fyrsta ljóðabók hans út „Svartar fjaðrir“.
Davíð dvaldist öðru hvoru erlendis á árunum 1920 - 1923. Árið 1925 tók Davíð við föstu starfi sem bókavörður á Amtsbókasafninu á Akureyri, hann lét formlega af störfum sem bókavörður árið 1951. Hann lést á Akureyri 1. mars árið 1964. Hann er jarðaður á Möðruvöllum í Hörgárdal en þar hvíla einnig foreldrar hans og önnur ættmenni.
Davíð vann hug og hjörtu Íslendinga ungur að árum og fjölmörg ljóða hans lifa enn á vörum fólks. Davíð var skáld nýrómantíkur, þar sem áherslan var fremur á innra lífs einstaklingsins og tilfinninga hans en á ytra umhverfi. Sterkar tilfinningar og miklar andstæður eru einkennandi fyrir nýrómantískan skáldskap hans. Hann var allt í senn: ofsafenginn og storkandi, félagslyndur einsetumaður. Þar má finna bæði mikla gleði og djúpstæðan harm. Þjóðernishyggja, borgarleiði, fegurðar- og frelsisþrá eru áberandi, en einnig birtist þar hetjudýrkun og bölsýni. Davíð yrkir um hinn frjálsa einstakling og greina má sterka einstaklingshyggju og þjóðerniskennd.
== Páll Ísólfsson höfundur lags ==
Höfundur lagsins við skólasöng MA er Páll Ísólfsson. Líkt og Davíð, samdi hann lagið í tilefni fimmtíu ára afmælishátíð Möðruvallarskóla.
Páll gegndi fjölda starfa, var orgelleikari, píanóleikari, hljómsveitarstjóri og söngstjóri og einn helsti forystumaðurinn í íslenskum tónlistarmálum. Hann fæddist á Stokkseyri 12. október 1893. Til Reykjavíkur kom hann 1908 og lærði tónlist hjá Sigfúsi Einarssyni. Hann lærði á orgel hjá Karl Straube í Leipzig (1913-18). Hann fór til Parísar til frekara náms 1925 og nam þá hjá Joseph Bonnet. Að því loknu hóf Páll störf við tónlist á Íslandi. Hann varð forystumaður í íslensku tónlistarlífi um áratugi og orgelsnillingur í fremstu röð. Páll var fastur stjórnandi Lúðrasveitar Reykjavíkur frá 1924-1936. Hann var skólastjóri Tónlistarskólans í Reykjavík frá stofnun árið 1930 til 1957. Hann var organisti Fríkirkjunnar í Reykjavík 1926-1939 og síðan við dómkirkjuna í Reykjavík frá 1939-1967.
Páll Ísólfsson samdi mörg lög fyrir rödd, píanó, orgel, hljómsveit og kórlög fyrir bæði blandaða og karlakóra. Íslenska þjóðin tók ástfóstri við mörg af söng- og sálmalögum hans. Nokkur þeirra voru líkt og skólasöngur MA eftir Davíð Stefánsson, til að mynda „Blítt er undir björkunum“ („Ég beið þín lengi, lengi“) úr leikritinu „Gullna hliðinu“, „Í dag skein sól“, „Vögguvísa maríuvers“, „Ég kveiki á kertum mínum“ og kórlagið „Brennið þið vitar“.
== Skólasöngurinn loks útgefinn ==
| 