Munur á milli breytinga „Ari Magnússon“

ekkert breytingarágrip
[[Foreldrar]] Ara voru [[Magnús Jónsson prúði]], sýslumaður í [[Bær á Rauðasandi|Bæ]] á [[Rauðisandur|Rauðasandi]], og kona hans, Ragnheiður dóttir [[Eggert Hannesson|Eggerts lögmanns Hannessonar]]. Jón murti móðurbróðir Ara hafði flúið land eftir að hafa orðið mannsbani og sest að í [[Hamborg]] og Eggert afi hans dvaldist þar líka síðustu æviárin. Ari átti því nána ættingja þar og var sendur þangað ungur til náms; í erfiljóði segir að hann hafi verið þar í níu ár fyrir tvítugt. Hann mun því hafa verið mjög vel [[menntun|menntaður]] á síns tíma vísu.
 
Ari var fyrst sýslumaður í [[Barðastrandarsýsla|Barðastrandarsýslu]], en síðar í [[Ísafjarðarsýsla|Ísafjarðarsýslu]] og [[Strandasýsla|Strandasýslu]]. Hann var einnig [[umboðsmaður]] [[Konungsjörð|konungsjarða]] í Ísafjarðarsýslu og mun því hafa verið mjög valdamikill maður og stórauðugur. Hann þótti harður í horn að taka. Einna þekktastur er hann fyrir [[Spánverjavígin]] svokölluðu, þegar þrjú [[Baskaland|basknesk]] hvalveiðiskip brotnuðu á [[Reykjafjörður|Reykjarfirði]] á Ströndum en 83 smennmenn björguðust. Þeir skiptu sér í hópa og dreifðust um Vestfirði. Sumir þeirra voru drepnir í [[Dýrafjörður|Dýrafirði]], Ari stýrði herleiðangri út í [[Æðey]], þar sem átján mönnum var slátrað, en flestir Baskanna þraukuðu um veturinn á [[Vatneyri]] við [[Patreksfjörður|Patreksfjörð]] og náðu um vorið erlendu fiskiskipi og komust á brott. Konungur hafði fellt þann úrskurð að þeir væru réttdræpir, en alltaf hafa þessi víg þótt heldur nöturleg í [[Íslandssaga|Íslandssögunni]].
 
Ari er sagður hafa veri einkar höfðinglegur ásýndum, jötunn að burðum og manna hávaxnastur. Kona hans, gift 1594, var Kristín Guðbrandsdóttir (1574-1652), dóttir [[Guðbrandur Þorláksson|Guðbrands Þorlákssonar]], [[biskup]]s á [[Hólar|Hólum]].
Óskráður notandi