„Chicago-hagfræðingarnir“: Munur á milli breytinga

'''Chicago-hagfræðingarnir''' ([[Enska|e.]] ''Chicago School of Economics'') er hópur hagfræðinga, sem ýmist kenndu eða námu við [[Chicago-háskóli|Chicago-háskóla]] á 20. öld og eru kunnir fyrir eindreginn stuðning við [[Frjálshyggja|frjálshyggju]] og rækilegar rannsóknir á verðmyndun á frjálsum markaði. Áhrifamesti hagfræðingurinn í þessum hóp á fyrri hluta 20. aldar var [[Frank H. Knight]], en kunnastur er [[Milton Friedman]], sem hlaut Nóbelsverðlaun í hagfræði [[1976]]. Á meðal annarra Chicago-hagfræðinga eru Nóbelsverðlaunahafarnir [[George J. Stigler]] og [[Gary Becker]]. Nóbelsverðlaunahafarnir [[Ronald Coase]], sem lengi kenndi við Chicago-háskóla, og [[James M. Buchanan]], sem lauk þaðan doktorsprófi, standa báðir nærri Chicago-hópnum, þótt Buchanan teljist frekar til [[Virginíu-hagfræðingarnir|Virginíu-hagfræðinganna]] svonefndu. [[Friedrich A. von Hayek]] kenndi einnig lengi í Chicago-háskóla, þótt hann teljist frekar til [[Austurrísku hagfræðingarnir|austurrísku hagfræðinganna]] svonefndu. Tveir afkastamiklir rithöfundar hafa skrifað aðgengileg og alþýðleg verk í anda Chicago-hagfræðinganna, þeir [[Richard Posner]] dómari og [[Thomas Sowell]], vísindamaður í [[Hoover Institution]] í [[Stanford-háskóla]].