„Hallgerður Höskuldsdóttir“: Munur á milli breytinga

Hallgerður var ung að árum er faðir hennar gifti hana að henni forspurðri og líkaði henni það stórilla. Fyrsti maður hennar var [[Þorvaldur Ósvífursson]] er bjó undir Felli á Meðalfellsströnd ([[Staðarfell]]i á Fellsströnd). Hann sló Hallgerði utan undir er hún sakaði hann um nísku og fyrir það drap Þjóstólfur hann. Síðar giftist hún [[Glúmur Óleifsson|Glúmi Óleifssyni]], en bræður hans voru Ragi og [[Þórarinn Ragabróðir|Þórarinn]] lögsögumaður. Bjuggu þau á [[Varmalækur í Borgarfirði|Varmalæk í Borgarfirði]]. Dóttir þeirra hét [[Þorgerður Glúmsdóttir]] og varð hún húsfreyja á [[Grjótá í Fljótshlíð]], gift [[Þráinn Sigfússon|Þráni Sigfússyni]], sem [[Skarphéðinn Njálsson|Skarphéðinn]] drap og var móðir [[Höskuldur Þráinsson|Höskuldar Hvítanessgoða]]. Hallgerður og Glúmur unnust mjög en þó sló Glúmur hana kinnhest og fyrir það drap Þjóstólfur hann einnig þó svo að Hallgerður bæði honum griða. Hallgerður skipti löndum við Þórarin mág sinn, hann fékk Varmalæk en hún [[Laugarnes]] við [[Reykjavík]]. Nokkru síðar giftist hún [[Gunnar Hámundarson|Gunnari Hámundarsyni]] á Hlíðarenda og var húsfreyja þar. „Af henni mun standa allt hið illa er hún kemur austur hingað“ sagði [[Njáll á Bergþórshvoli]] við Gunnar um þann ráðahag. Eitt vor varð þurrð í búi þeirra Hlíðarendahjóna og sendi Hallgerður þá [[Melkólfur|Melkólf þræl]] til að stela í [[Kirkjubær á Rangárvöllum|Kirkjubæ á Rangárvöllum]], en þar hafði hann verið áður og þekkti öll húsakynni. Er Gunnar komst að þessu sló hann Hallgerði kinnhest og kvaðst ekki vilja vera [[þjófsnautur]]. Þennan kinnhest mundi hún honum er hún neitaði að gefa honum lokk úr hári sínu áður en hann var veginn. Hefur það verið túlkað á ýmsa vegu af [[Bókmenntafræði|bókmenntafræðingum]]. Synir Gunnars og Hallgerðar voru Grani og Högni og var Högni vinur Skarphéðins, en Grani ekki. Eitt af landnámuhandritunum seijir sini Gunnars Hámund og Grana og telur enfremur dótturina Þuríði sem átti sonin Jóstein með Þorstein nokkrum.