„Framhaldsskólinn á Laugum“: Munur á milli breytinga

Skólahald hefur verið á [[Laugar í Reykjadal|Laugum í Reykjadal]] frá árinu [[1925]] þegar Laugaskóli var stofnaður. Fyrstu árin starfaði hann sem alþýðuskóli, þá sem héraðsskóli en er nú á framhaldsskólastigi og heitir Framhaldsskólinn á Laugum. Frá stofnun skólans hafa hátt í 7000 manns stundað nám við skólan. Skólinn er heimavistarskóli og koma nemendur frá öllum landshlutum til náms á Laugum. Skólinn er nú með heimavistir fyrir um 150 nemendur.

Fyrstur var reistur Gamli skóli eins og hann er kallaður í dag, en einungis tvær burstir og sundlaug í kjallara hans, árið 1925. Þriðja burstin var reist árið [[1928]]. Íþróttahúsið Þróttó var reist árið [[1931]] og var það um tíma stærsta íþróttahús landsins. Dvergsteinn með heimavist og nýjum smíðasal var reistur árið [[1949]] og kennaraíbúðir við Dvergastein árið [[1957]]. Norðurálma við Gamla-Skóla með nýjum matsal og heimavistum var reist árið [[1961]] og kom húsið að góðum notum við Landsmót [[UMFÍ]] sem haldið var á Laugum þá um sumarið. Fjall var byggt árið [[1967]] með heimavist og íbúðarhúsnæði, nýtt Íþróttahús reist árið [[1978]] og loks Tröllasteinn árið [[2000]] en í honum eru herbergi fyrir allt að 70 nemendur. Árið [[2005]] var svo reist vegleg útisundlaug en hún auk íþróttahússins þjóna öllu [[Þingeyjarsveit|sveitarfélaginu]].