Þríhnúkagígur

Þríhnúkagígur er gígur sem liggur í norðaustasta Þríhnúknum, rúma 4 km vestur af skíðasvæðinu í Bláfjöllum. Hann er eitt stærsta og merkasta nátturufyrirbæri sinnar tegundar á jörðinni.

Gígopið er þverhnípt og um 4 sinnum 4 metra stórt. Fyrst var sigið niður í hann 1974, og 1991 var hann svo kannaðar ítarlega og kortlagður. Þríhnúkagígur er flöskulaga ketill sem er um 150 þúsund rúmmetrar að stærð. Botninn er á stærð við fótboltavöll og er 120 metra undir yfirborði jarðar, og þaðan liggja svo gígrásir niður á um 200 metra dýpi.

Í ljósi þess hvað hann þykir sérstakur hafa verið settar fram hugmyndir um hvernig megi bæta aðgengi að honum, sem fæli m.a. í sér að bora göng inn í hann miðjan og byggja útsýnispall inni í honum.

Sjá einnig

• Náttúrufræðistofa Kópavogs
• Grein hjá Ferlir, myndir og fyrirhugað aðgengi

  Þessi grein er stubbur. Þú getur hjálpað til með því að bæta við greinina.