„Björn Guðnason“: Munur á milli breytinga

Foreldrar Björns voru [[Guðni Jónsson]] (um 1430-1507), sýslumaður og lögréttumaður á Hvammi í Hvammssveit og Kirkjubóli í Langadal, bróðir þeirra [[Páll Jónsson (lögmaður)|Páls Jónssonar]] lögmanns á [[Skarð á Skarðsströnd|Skarði]] og Orms Jónssonar í [[Klofi|Klofa]] og síðar á Skarði, og kona hans Þóra Björnsdóttir, laundóttir [[Björn Þorleifsson|Björns Þorleifssonar]] ríka. Á meðal systkina Björns var Helga, kona [[Torfi Jónsson í Klofa|Torfa Jónssonar]] í Klofa á Landi, bandamanns Bjarnar í deilum við Skálholtsbiskup.

Bjðrn var sagður héraðsríkur stórbokki, óvæginn og harður í horn að taka ([[Jón Espólín]] kallar hann illmenni) og deildi hart um vald yfir kirkjujörðum við [[Stefán Jónsson (biskup)|Stefán Jónsson]] biskup í Skálholti. Vorið [[1513]] beittu þeir [[Jón Sigmundsson]] lögmaður, sem hafði átt í hörðum deilum við [[Gottskálk Nikulásson]] Hólabiskup, sér fyrir [[Leiðarhólmssamþykkt]], þar sem höfðingjar skuldbundu sig til að þola ekki biskupum ójöfnuð en hlíta þó kirkjulögum. Björn mun hafa samið það skjal. Sagt er að Stefán hafi sumarið [[1517]] komið í Ögur með 300 manna lið en TorfiBjörn hafi haft að minnsta kosti jafnmarga menn hjá sér. Þó kom ekki til átaka og þeir sættust að sinni en dóu báðir á næsta ári.