„Guðmundur Ormsson“: Munur á milli breytinga

'''Guðmundur Ormsson''' (um [[1360]] – [[1388]]) var íslenskur höfðingi á [[14. öld]]. Hann var af ætt [[Skarðverjar|Skarðverja]], sonur [[Ormur Snorrason|Orms Snorrasonar]] lögmanns á [[Skarð á Skarðsströnd|Skarði á Skarðsströnd]].

Guðmundur virðist hafa verið mesti ribbaldi. Um jólin 1385 fór hann ásamt öðrum manni, [[Eiríkur Guðmundsson hirðstjóri|Eiríki Guðmundssyni]], að manni sem hét [[Þórður Jónsson helgi|Þórður Jónsson]] og tóku þeir hann höndum. Ormur faðir hans nefndi svo dóm yfir Þórði þessum og var hann dæmdur til dauða og hálshöggvinn. Ekkert er vitað um ástæður en þess hefur verið getið til að Þórður kunni að hafa verið bróðir Þorsteins Jónssonar, sem vó Guttorm, bróður Guðmundar og son Orms, í [[Snóksdalur|Snóksdal]] nokkrum árum áður og þeir hafi verið að hefna þess, en allt er óvíst um það. Hvað sem því líður þótti verkið níðingsverk og hlutu feðgarnir mikið ámæli fyrir. Eitthvað fleira hefur gengið á því sagt er í annálum [[1386]] frá því að menn Guðmundar Ormssonar hafi rænt og ruplað í Sunnlendinga- og Vestfirðingafjórðungi.