„Jóninna Sigurðardóttir“: Munur á milli breytinga

Efni eytt Efni bætt við
Cessator (spjall | framlög)
Ekkert breytingarágrip
Navaro (spjall | framlög)
Ekkert breytingarágrip
Lína 5:
Árið [[1907]] hóf Jóninna matreiðslukennslu í húsnæði Gróðrarstöðvarinnar á [[Akureyri]] og rak þar nokkurs konar matreiðsluskóla í nokkur ár. Þar lagði hún meðal annars áherslu á að kenna fólki að nota heimaræktaðar matjurtir, ber og annað. Árið [[1915]] keypti hún hús og hóf þar greiðasölu og hótelrekstur undir nafninu Hótel Goðafoss. Hótelið rak hún fram til [[1945]]. Jóninna hafði mikinn áhuga á að stofna [[húsmæðraskóli|húsmæðraskóla]] á Akureyri og beindi kröftum sínum mjög að því síðari hluta ævinnar. Skólinn tók til starfa haustið 1945 og var Jóninna fyrsti formaður skólanefndar.
 
Þekktust er Jóninna fyrir matreiðslubók sem hún sendi frá sér árið 1915 eftir hvatningu og með tilstyrk George H. F. Schrader, auðugs, þýskættaðs Bandaríkjamanns sem var tíður gestur á Akureyri. Bókin kallaðist ''[[Matreiðslubók Jóninnu Sigurðardóttur|Matreiðslubók fyrir fátæka og ríka]]'' og var henni mjög vel tekið, hún seldist strax upp og var endurútgefin þegar árið eftir. Jóninna bætti svo miklu við bókina fyrir næstu útgáfu, sem kom út 1927 og hét aðeins ''[[Matreiðslubók Jóninnu Sigurðardóttur|Matreiðslubók]]''. Þar íslenskar Jóninna meðal annars nær öll hráefnisheiti, talar til dæmis um eiraldin, tröllasúru og stenglur fyrir [[apríkósa|apríkósur]], [[rabarbari|rabarbara]] og [[makkarónur|makkarónur]]. Einnig var [[hitaeining|hitaeiningatafla]] við hverja uppskrift. Bókin var endurútgefin 1943 í stærra broti og endurprentuð 1945 en skömmu síðar kom út bókin ''[[Matur og drykkur]]'' eftir [[Helga Sigurðardóttir|Helgu Sigurðardóttur]], bróðurdóttur Jóninnu, og má segja að hún hafi ýtt Matreiðslubók Jóninnu til hliðar sem helstu matreiðslubiblíu Íslendinga.
 
Jóninna var sæmd riddarakrossi [[Fálkaorðan|Fálkaorðunnar]] 1959. Hún lést á Akureyri 19. september 1962, tæpum mánuði á eftir Helgu bróðurdóttur sinni.