„Gísli Konráðsson“: Munur á milli breytinga

Gísli fæddist á [[Vellir í Vallhólmi|Völlum]] í [[Vallhólmur|Vallhólmi]] í [[Skagafjörður|Skagafirði]] og voru foreldrar hans Konráð Gíslason, bóndi og smiður á Völlum, og þriðja kona hans, Jófríður Björnsdóttir. Konráð var hreppstjóri og ágætlega stæður en Jófríður var á vergangi eftir [[Móðuharðindin]] þegar Konráð tók hana á heimili sitt 1785 og giftist henni skömmu síðar. Hann var þá á sjötugsaldri (f. 1722) en hún um tvítugt. Konráð dó 1798 og nokkru síðar giftist Jófríður aftur bróðursyni hans, Gottskálk Egilssyni. Hann var fæddur 1783 og var því rúmlega 60 ára aldursmunur á eiginmönnum Jófríðar.

Þau hjón bjuggu á [[Langamýri (Skagafjörður)|Löngumýri]] í Vallhólmi 1808 – 1817, Húsabakka í Vallhólmi 1817 – 1820 og á Ytra-Skörðugili á [[Langholt]]i 1820 - 1837. Öll árin reri Gísli suður á Álftanesi á [[vetrarvertíð]], vann að búi sínu á sumrin og skrifaði hvenær sem tóm gafst, auk þess sem hann orti mikið. Framan af skrifaði hann aðallega upp eftir bókum og handritum, auk þess sem hann sá um ýmsar skriftir fyrir hreppstjóra, presta og aðra embættismenn í nágrenninu.