„Botnvarpa“: Munur á milli breytinga

Efni eytt Efni bætt við
HVN01 (spjall | framlög)
Ný síða: thumb|right|Mynd af týpísku botntrolli séð frá hlið. '''Botnvarpa''' eða '''botntroll''' er með mikilvægustu veiðarfærum sem notuð …
(Enginn munur)

Útgáfa síðunnar 20. apríl 2009 kl. 21:06

Botnvarpa eða botntroll er með mikilvægustu veiðarfærum sem notuð eru á Íslandsmiðum og hefur verið aðlöguð margvíslegum veiðiskap, allt frá botnfiskaveiðum til rækjuveiða. Hún er notuð á mismiklu dýpi, allt frá 80 m og niður á 1500 m dýpi. Togvírar liggja frá skipinu hlerunum. Um borð eru togvírarnir vafðir upp á tromlu. Hlerarnir eru járnhlerar sem eru festir þannig að þeir mynda horn á togstefnuna og leita því út til hliðanna vegna viðnáms. Grandarar eru festir við hlerana með bakstroffum (vírar) og halda vörpunni opinni þegar hlerarnir toga í þá. Grandararnir eru einnig festir við vængi vörpunnar. Á efri brún netsins er höfuðlína sem er festa fyrir flotkúlur sem halda netinu lóðréttu opnu og á neðri brún netsins er fótreipi sem á eru gúmmíhjól og er hlutverk þeirra að halda vörpunni á botninum og varna því að fiskarnir komist undir netið, en varna einnig að varpan festist ekki í ójöfnum á botninum. Fiskar sem eru á botni þar sem botnvarpa kemur, flýja og synda á undan vörpunni. Að lokum gefast þeir upp á sundinu og lenda þá í netinu(pokanum).

Mynd af týpísku botntrolli séð frá hlið.

Heimildir

  • Guðni Þorsteinsson (1980). Veiðar og veiðarfæri. (Reykjavík: Almenna bókafélagið).


   Þessi grein er stubbur. Þú getur hjálpað til með því að bæta við greinina.