Munur á milli breytinga „Seifsstyttan í Ólympíu“

'''Seifsstyttan í [[Ólympía|Ólympíu]]''' í [[Grikkland hið forna|Grikklandi hinu forna]]i var eitt af [[Sjö undur veraldar|sjö undrum veraldar]]. Hún var að líkindum stærsta stytta sem nokkurn tímann hefur verið gerð innanhúss.

Uppruni styttunnar kemur frá [[Ólympíuleikar|Ólympíuleikunum]], en þeir eiga sínar rætur að rekja í [[Ólympía|Ólympíu]], sem er um 150 m vestur frá [[Aþena|Aþenu]]. Þar voru bæði íþróttavellir og heilagur staður fyrir hof til dýrkunar guðanna. Þar hafði verið Seifshof, en seinna meir fannst mönnum það of lítið fyrir jafnmikinn guð og Seif, svo á árunum [[470 f.Kr.|470]] – [[460 f.Kr.]] var hafist handa að byggja nýtt hof handa [[Seifur|Seifi]]. Hofið þótti vera með best gerðu [[dórískar súlur|dórísku]] hofum sem til voru, en svo fannst fólki að það væri of einfalt og innantómt fyrir Seif, svo það var beðið um að fylla plássið með styttu af Seifi sjálfum.

Smíði styttunnar lauk á 3. ári eftir 85. [[Ólympíuleikarnir|Ólympíuleikana]], eða árið 456 f.Kr. að því er talið er. Styttusmiðurinn var hinn þekkti [[Feidías]]. Sagt var að faðir Seifs á himnum væri [[Krónos]], en Feidías væri faðir Seifs á jörðu. Þessi mesta stytta allra tíma stóð í meira en 800 ár. Hún skemmdist allnokkuð í [[Jarðskjálfti|jarðskjálfta]] um [[170 f.Kr.]] Samt stóð hún enn um margar aldir. Að lokum var hún rifin í sundur, líklega að undirlagi [[Konstantín]]s [[keisari|keisara]], og pakkað niður, því að til stóð að flytja hana til [[Konstantínópel]]. Af því varð þó aldrei og að lokum fórst styttan í eldi um það bil árið [[462]]. Musterið stóð mun lengur, en féll þó í jarðskjálfta á [[6. öld]].

Hún stóð í [[Hof (guðshús, heiðið hof)|hofi]] [[Seifur (guð)|Seifs]] og er talin hafa verið um 12 metra há (40 fet), sem er ámóta og hæð venjulegs 4 hæða húss. Styttan sýndi Seif sitjandi í [[hásæti]], skikkjuklæddan og með ólívukrans á höfði. Í hægri lófa sér hélt hann á vængjaðri gyðju sigursins, Níke, sem var mjög smávaxin í samanburði við Seifsstyttuna sjálfa, en var þó stærri en nokkur maður. Í vinstri hendi hélt hann [[veldissproti|veldissprota]], sem á sat [[Ernir|örn]].

Það er haft fyrir satt að andlit Krists eins og það lítur út á íkonamyndum miðalda og í rétttrúnaðarkirkjunni, sé í raun andlit Seifsstyttunnar. Mynd af styttunni og höfði hennar er til á [[Grikkland hið forna|grískum]] bronspeningi frá um það bil 125 og á [[Rómaveldi|rómverskum]] peningi frá sama tíma.

* [[Sjö undur veraldar]]

* [[Grikkland hið forna]]

[[Flokkur: Fornfræði]]