„Björn Friðriksson“: Munur á milli breytinga

'''Björn Friðriksson''' ([[1878]] – [[1946]]) var kvæðamaður sem fæddist að [[Þorgrímsstöðum]] í [[Vestur-Húnavatnssýslu]] þann [[6. maí]] árið [[1878]]. Foreldrar hans voru Friðrik Gunnarsson [[hreppstjóri]] frá Mýrum í [[Miðfjörður|Miðfirði]] og Sigurlaug Gunnlaugsdóttir frá [[Óspakstaðir|Óspaksstöðum]] í [[Hrúatfjörður|Hrútafirði]]. Björn var einn af sex börnum þeirra hjóna er komust á legg. Björn flutti að heiman þegar hann var 22 ára og stundaði lausamennsku við [[fiskveiðar]] og landbúnað.

Ekki var mikið um menntun að ræða þegar Björn ólst upp nema það sem nauðsynlegt var fyrir ferminguna. En Björn var vel gefinn og tókst af sjálfsdáðun að afla sér nokkurrar menntunar. Hann las mikið og skrifaði og var fjölfróður maður. Hann tók virkan þátt í félagsstörfum eins og sóknarnefnd, [[sveitastjórn]] og fleiru.

Árið [[1924]] tók Björn sig upp með fjölskylduna og flutti til [[Reykjavík|Reykjavíkur]]. Þar vann hann hjá Mjólkurfélaginu og Hafnargerð Reykjavíkur. Björn Friðriksson var einn af sterkustu frumkvöðlum þess að [[Kvæðamannafélagið Iðunn]] var stofnað. Það var stofnað árið 1929. Björn var ritari í fyrstu stjórn þess og formaður frá 1943 -til 1946. Meðal Iðunnarfélaga voru systur Björns þær Ingibjörg, Sigríður og Þuríður. Björn þótt einstakur kvæðamaður og góður hagyrðingur þó að fátt hafi komið út eftir hann á prenti. Björn lést í Reykjavík 3. nóvember árið 1946.