„Borgarleikhúsið“: Munur á milli breytinga

'''Borgarleikhúsið''' er [[leikhús]] við Listabraut í [[Reykjavík]] í [[Kringlumýri]] rétt við verslunarmiðstöðina [[Kringlan|Kringluna]]. [[Fyrsta skóflustunga]]n að húsinu var tekin af þáverandi borgarstjóra Reykjavíkur, [[Birgir Ísleifur Gunnarsson (seðlabankastjóri)|Birgi Ísleifi Gunnarssyni]] árið [[1976]], en þá hafði [[Leikfélag Reykjavíkur]] undirbúið byggingu leikhússins frá [[1953]] með stofnun húsbyggingasjóðs, sem meðal annars var fjármagnaður með ágóða af miðnætursýningum og revíum. Framkvæmdir lágu svo niðri til [[1980]] þegar leikfélagið fékk arf og borgin ákvað að leggja aukið fé í framkvæmdina. Þá stóð til að opna leikhúsið á 200 ára afmæli Reykjavíkurborgar 1986. [[Davíð Oddsson]] borgarstjóri lagði [[hornsteinn|hornstein]] að byggingunni, sem þá var að mestu lokið við að steypa, [[11. janúar]] [[1986]] en það var ekki fyrr en [[5. september]] [[1989]] að leikarar leikfélagsins fluttu með formlegum hætti úr [[Iðnó]] í Borgarleikhúsið og fengu lykla afhenta frá borgarstjóra. [[20. október]] var húsið vígt og nam þá byggingarkostnaður 1,5 milljörðum króna.