|
|
|
'''Theodor Escherich''' ([[29. nóvember]] [[1857]] í [[Ansbach]] í [[Bæjaraland]]i - [[15. febrúar]] [[1911]] í [[Vín (Austurríki)|Vín]] í [[Austurríki]]) var [[barnalæknir]] og [[prófessor]] við háskólana í [[Ludwig Maximilian Háskólinn í München|München]], [[Karl Franzens Háskólinn í Graz|Graz]] og [[Vínarháskóli|Vín]]. Hann er þekktastur fyrir uppgötvun sína á þarmabakteríunni [[Escherichia coli]], sem nefnd var í höfuð honum [[1919]].
==Ævi og störf==
Escherich stundaði læknanám á árunum [[1876]] til [[1881]] á nokkrum mismunandi sjúkrahúsum, eins og þá var alsiða í þýsku læknanámi. Hann hóf nám sitt í [[Würzburg]], en nam einnig í [[Berlín]], [[Kiel]], [[Strasbourg (Austurríki)|Strasbourg]] í Austurríki, og lauk svo embættisprófi með afbragðs einkunn í [[München]] 1881. Hann ritaði svo doktorsritgerð undir leiðsögn K. C. A. J. Gerhardt um þarmasýkingar í ungbörnum <ref>T. Escherich (1882) Die marantische Sinusthrombose bei Cholera infantum. Doktorsritgerð. München. </ref>. Hjá Gerhardt fékk hann mikinn áhuga á [[örverufræði|örverufræðum]] almennt, og sérstaklega áhrifum þarmaörvera á heilsu ungbarna. Hann helgaði sig því rannsóknastörfum í örverufræðum framan af starfsævinni og stundaði meðal annars rannsóknir á [[kólera|kólerufaraldrinum]] í [[NapolíNapólí]] [[1884]] <ref>{{cite journal |author=T. Escherich |year=1884 |title=Klinisch-therapeutische Beobachtungen aus der Cholera-epidemie in Neapel |journal=Müncherner medizinische Wochenschrift |volume=31 |pages= 561-564</ref> og á gerlagróðri í [[brjóstamjólk]] <ref>{{cite journal |author=T. Escherich |year=1885 |title=Bakteriologische Untersuchungen über Frauenmilch |journal=Fortschritte der Medizin |volume=3 |pages= 231-236</ref>. Það voru svo rannsóknir þær sem hann stundaði í München á árunum [[1885]] og [[1886]] og birti í nýdoktorsritgerð (''Habilitationsschrift'') sem hann er þekktastur fyrir, en þar lýsti hann 19 mismunandi þarmabakteríum ungbarna, þar á meðal bakteríunni sem síðar hlaut nafnið ''Escherichia coli'' <ref>T. Escherich (1886) Die Darmbakterien des Säuglings und ihre Beziehungen zur physiologie der Verdauung. Ferdinand Enke, Stuttgart</ref>. Í ritgerðinni leiddi hann líkur að því að hlutverk bakteríanna í meltingu barna væri óverulegt. Árið [[1890]] þáði hann kennslu- og rannsóknastöðu í barnalækningum við Karl Franzens Háskólann í [[Graz]] í Austurríki og gerðist þar fullgildur prófessor (''ordentlicher Professor'') árið [[1894]]. Árið [[1902]] færði hann sig um set til Vínarborgar þar sem hann þáði prófessorsstöðu í barnalækningum við Vínarháskóla og stýrði St. Anna barnaspítalanum. Ári síðar stofnaði hann samtök til verndar ungbörnum (''Verein Säuglingsschutz'') og hóf áróðursherferð í því skyni að hvetja mæður til brjóstagjafa. Hann var óþreytandi við að vekja athygli á heilbrigðismálum barna og kvenna. Árið [[1906]] var hann skipaður ráðgjafi (''kaiserlich-königlicher Hofrat'') við hirð [[Frans Jósef Austurríkiskeisari|Frans Jósefs]] Austurríkiskeisara<ref name="pmid 17879920">{{cite journal |author=S. T. Shulman, H. C. Friedmann og R. H. Sims |title=Theodor Escherich: the first pediatric infectious diseases physician? |journal=Clinical Infectious Diseases|volume=45 |pages=1025-1029 |year=2007 |pmid= 17879920}}</ref>.
==Heimildir==
|
