„Tjörneshreppur“: Munur á milli breytinga

'''Tjörneshreppur''' er [[hreppur]] í [[Suður-Þingeyjarsýsla|Suður-Þingeyjarsýslu]]. Nær hann yfir norður- og vesturströnd [[Tjörnes]]s að Héðinsvík norðan [[Húsavík (Skjálfanda)|Húsavíkur]] og nær einnig yfir megnið af fjalllendinu sem á skaganum er.

Tjörneshreppur var stofnaður árið [[1912]] þegar [[Húsavíkurhreppur|Húsavíkurhreppi]] var skipt í tvo hluta. Hreppinn mynduðu sveitirnar norðan og sunnan Húsavíkur, Tjörnes og [[Reykjahverfi]], en Húsavíkurkauptúnið ásamt næsta nágrenni þess hét áfram Húsavíkurhreppur og lá hann eins og fleygur í gegnum miðjan Tjörneshrepp eins og hann var þá. Svo fór, að hreppnum var aftur skipt í tvennt [[1. janúar]] [[1933]] og varð þá syðri hlutinn, Reykjahverfi, að [[Reykjahreppur|Reykjahreppi]]. Frá því á 11. öld var svæðið frá jörðinni Máná nyrst á Tjörnesi, byggðin með strönd nessins að vestan allt að botni Skjálfandaflóa og Reykjahverfi aðtil og með gömlu jörðinni Reykjum þar í hverfinu, eitt sveitarfélag sem þá nefndist Tjörneshreppur, stundum á síðari árum nefndur Tjörneshreppur hinn forni. Á 18. eða 19. öld breyttist nafnið í Húsavíkurhrepp en þar var þingstaður hreppsins og 1912 þegar þéttbýlið í Húsavík varð sérstakt sveitarfélag hélt það eðlilega því nafni.