Ermarsundseyjar

Ermarsundseyjar eru nokkrar eyjar í Ermarsundi úti fyrir strönd Normandí í Frakklandi. Þær skiptast í tvö umdæmi: Guernsey og Jersey. Bæði umdæmin eru breskar krúnunýlendur þótt hvorugt þeirra sé hluti af Bretlandi. Þau voru formlega hluti af hertogadæminu Normandí frá því á 10. öld. Við Parísarsáttmálann 1259, þegar Bretar létu Normandí af hendi við Frakka, voru þau áfram undir konungum Bretlands sem hluti af titlinum „hertoginn af Normandí“. Elísabet II er þannig hertogi yfir Ermarsundseyjum, fremur en drottning þeirra. Eyjarnar eiga ekki fulltrúa á breska þinginu, heldur hefur hvor þeirra eigið löggjafarþing. Eyjarnar eru hluti af Evrópubandalaginu en ekki Evrópusambandinu.

Gervihnattamynd af Ermarsundi þar sem Jersey og Guernsey eru merktar inn.

Eyjarnar

Umdæmið Guernsey

• Guernsey
• Alderney
• Sark
• Herm
• Jethou
• Brecqhou
• Lihou

Umdæmið Jersey

• Jersey
• Minquiers og Ecréhous (óbyggðir eyjaklasar)

Sunnan við Jersey er eyjan Chausey sem tilheyrir Frakklandi.