„Hraun í Öxnadal“: Munur á milli breytinga

Efni eytt Efni bætt við
Ahjartar (spjall | framlög)
Ný síða: thumb|right|Drangafjall og Hraundrangi fyrir ofan Hraun í Öxnadal '''Hraun''', bær í Öxnadal. Bærinn heitir eftir berghlaupsurðinni mi...
(Enginn munur)

Útgáfa síðunnar 20. febrúar 2008 kl. 21:45

Hraun, bær í Öxnadal. Bærinn heitir eftir berghlaupsurðinni miklu sem fallið hefur úr Drangafjalli og þvert yfir dalinn. Ofan bæjarins gnæfir Hraundrangi við himinn. Jónas Hallgrímsson skáld fæddist á Hrauni. Innan og ofan við Hraun er Vatnsdalur og í honum er Hraunsvatn í um 490 m y.s. Það er 50-60 m djúpt og þar er góð silungsveiði. Sr. Hallgrímur Þorsteinsson, faðir Jónasar, drukknaði í vatninu árið 1816 þegar hann var þar við veiðar. Menningarfélagið Hraun í Öxnadal ehf. á jörðina og rekur þar ýmsa starfsemi. Á Hrauni hefur verið komið upp minningarstofu um Jónas þar sem brugðið er upp myndum úr ævi hans og lýst áhrifum hans á íslenska menningu og sögu. Þar hefur einnig verið innréttuð íbúð fyrir skáld, rithöfunda og fræðimenn og opnaður fólkvangur og útivistarsvæði fyrir almenning.

Drangafjall og Hraundrangi fyrir ofan Hraun í Öxnadal

Heimildir

  • Tómas Einarsson og Helgi Magnússon (ritstj.) (1989). Íslandshandbókin. Náttúra saga og sérkenni. Örn og Örlygur, Reykjavík.