„Ólafía Einarsdóttir“: Munur á milli breytinga

Efni eytt Efni bætt við
Doktor Ólafía Einarsdóttir
(Enginn munur)

Útgáfa síðunnar 5. febrúar 2008 kl. 17:21

Ólafía Einarsdóttir fædd í Reykjavík 28. júlí 1924, er doktor í tímatalsaðferðum í fornum íslenskum heimildum. Foreldrar hennar voru Einar Þorkelsson og Ólafía Guðmundsdóttir. Hún lauk stúdentsprófi frá MR árið 1944 og hóf eftir það nám í fornleifafræði í London og lauk því 1948. Að því búnu stundaði hún sagnfræðinám við háskólann í Lundi í Svíþjóð og lauk því 1951. Síðar lauk hún prófi í miðaldasögu við sama háskóla og starfaði þar sem vísindalegur aðstoðarmaður til 1960. Hún var aðjúnkt við háskólann í Kaupmannahöfn og síðar dósent í Lundi.

Doktorsritgerð Ólafíu nefnist Studier í kronologisk metode i tidlig islandsk historieskrivning og varði hún hana í Lundi árið 1964. Þar fjallar hún meðal annars um tímasetningu kristnitökunnar á Íslandi og rennir stoðum undir þá kenningu sína að sá atburður hafi í raun gerst árið 999 en ekki árið 1000 eins og oftast er talið.