„Vallakirkja“: Munur á milli breytinga

|}}

'''Vallakirkja''' er [[kirkja]] að [[Vellir|Völlum]] í [[Svarfaðardalur|Svarfaðardal]]. Hún var byggð árið [[1861]] og er því elsta kirkjan í Svarfaðardal og [[Dalvíkurbyggð]]. Hún er úr timbri og turnlaus eins og hinar gömlu kirkjur dalsins. Kirkjugarðurinn er umhverfis kirkjuna. Framan við hana er allmikið klukknaport sem jafnframt er sáluhlið að kirkjugarðinum. Klukknaportið var reist þegar gamall brottfluttur Svarfdælingur, [[Soffanías Þorkelsson]] frá [[Hofsá]], gaf klukku eina mikla til kirkjunnar. Þetta var stærsta kirkjuklukka landsins og vóg nærri tvö tonn. Það var of mikill þungi fyrir hina öldnu kirkju svo brugðið var á það ráð að reisa sérstaka byggingu fyrir klukkuna. Árið [[1996]] stóðu yfir gagngerar endurbætur á Vallakirkju. Var því verki að mestu lokið og búið að koma flestum kirkjumunum fyrir á sínum stað þegar kviknaði í henni og brann hún svo lá við gereyðileggingu. Ýmsir töldu að þar með væri lokið sögu Valla sem kirkjustaðar. Svo fór þó ekki því fjársöfnun var sett af stað og kirkjan síðan endurbyggð nákvæmlega eins og eldri kirkjan hafði verið og var hín vígð árið [[2000]].

 

[[Flokkur:Kirkjur á Íslandi]]