„Carl Christian Rafn“: Munur á milli breytinga

Rafn átti verulegan þátt í umfangsmiklu útgáfustarfi Fornfræðafélagsins. Hann tók nokkurn þátt í útgáfunni á ''Fornmanna sögum'' (12 bindi, 1825-1837) og þýddi a.m.k. fyrstu þrjú bindin á dönsku. Hann gaf út ''Fornaldarsögur Norðurlanda'', 1-3 (1829-1830) og þýddi þær á dönsku: ''Nordiske Fortidssagaer'', 1-3 (1829-1830). Ekki síst vakti það mikla athygli erlendis, einkum í [[Ameríka|Ameríku]], þegar hið mikla og glæsilega verk, ''[[Antiqvitates Americanæ]]'', kom út 1837. Þar var safnað saman öllum heimildum um ferðir norrænna manna til Ameríku, og þeim fylgt úr hlaði með ítarlegum ritgerðum, skýringum og fallegum ritsýnum úr handritunum. Samsvarandi verk, sem einnig vakti mikla athygli, var ''Antiquités Russes, d'aprés les monuments historiques des Islandais et des anciens Scandinaves'' (2 bindi, 1850-1858). Þá tók Rafn einhvern þátt í útgáfunni á hinu gagnlega ritsafni, ''Grønlands historiske Mindesmærker'' (3 bindi, 1838-1845), þó að Finnur Magnússon hafi átt þar mestan þátt. Einnig má nefna ''Oldtidsminder fra Østen; Antiquités de l'Orient'' (1856). Almennt er viðurkennt að þessi verk áttu mikinn þátt í að beina athygli umheimsins að sögu og bókmenntum Norðurlanda að fornu.

 

 

Rafn stofnaði sögulegt og fornleifafræðilegt bóka- og skjalasafn við ''Oldnordisk Museum''. Einnig ameríska deild með forngripum og [[þjóðfræði]]legu efni. Með starfi sínu náði Rafn að koma á nánu samstarfi vísindamanna víðs vegar að úr heiminum, sem varð einnig til þess að erlend fræðirit (og þekking) urðu aðgengileg dönskum fræðimönnum og bókasöfnum. Með ferðum til útlanda og óþreytandi bréfaskriftun náði hann persónulegu sambandi við marga erlenda vísinda- og safnamenn.

 

==Prentuð rit==

*1821-1826 – ''Nordiske Kæmpehistorier (eller mythiske og romantiske Sagaer), efter islandske Haandskrifter fordanskede'' (3 bindi)

*1824 – ''Jomsvikingesaga''. Dönsk þýðing.