„Spjall:Svarðfletting“: Munur á milli breytinga

Þetta er einmitt eitt af þessum orðum, þ.e. svarðfletting, sem enginn myndi nota, en af því alfræðiorðabók neitar að taka sögnum, þá stendur þetta. ''Hann notaði svarðflettingu á kúrekann og notaði til þess exi sína'', myndu menn sjálfsagt skrifa hér.[http://lexis.hi.is/cgi-bin/ritmal/leitord.cgi?adg=leit&l=svar%F0fletta]. En ekki: ''Indíáninn svarðfletti kúrekann með exi sinni''. (Þó vissulega myndu menn sjálfsagt helst segja: ''Indíáninn fláði af honum höfuðleðrið með exi sinni''). --- Neinei, þetta er ekki orðabók eða skáldrit, en stundum getur sagnahatur Wikipedíu (Wikipediu [http://sv.wikipedia.org/wiki/Leva]) verið dálítið hjákátlegt. En hver er í raun ástæðan fyrir upphaflegri útskúfningu sagna úr Alfræðiorðabók, spyr sá sem ekki veit? Er þetta ekki eitthvað fjas eða reglur búnar til í nafnorðamálum, og hvað er í raun að sögnum einsog '''svarðfletta'''? Já, ég veit að það er tilvísun frá svarðfletta (eða býst við því), en stundum hristi ég hausinn yfir þessari kassalaga hugsun sem tíðkast hérna. Svarðfletting. Maður gæti borðað illa skrifaða alfræðibók og gubbað fallegri klessu. --[[Notandi:85.220.49.228|85.220.49.228]] 29. október 2007 kl. 18:20 (UTC)

:Sjálfsagt stafar þetta af því við höfum reynt að hafa öll uppflettiorð sambærileg svo að menn viti alltaf hvaða mynd orðsins þeir eigi að fletta upp (það er reyndar ekki vandamál í orðabókum þar sem notaðar eru mismunandi reglur um mismunandi orðflokka). Auk þess tökum við gjarnan upp verkhætti sem viðhafast á ensku Wikipedia eins og þú gast þér til um. Ég held samt þú hafir rétt fyrir þér, þetta er dálítið einkennilegt þegar maður hugsar til þess að íslenska er sagnorðamál. Veit einhver hvernig þetta er í Alfræðiorðabók Ö&Ö? --[[Notandi:Iceman|Friðrik Bragi Dýrfjörð]] 29. október 2007 kl. 19:42 (UTC)