„Inkaveldið“: Munur á milli breytinga

'''Inkaveldið''' var keisaraveldi [[Frumbyggjar Ameríku|indíána]] í [[Andesfjöll]]um, þar sem nú er [[Perú]] og stofnað af [[Manco Capac]]. Veldi Inka stóð frá [[12. öldin|tólftu öld]] og fram á þá [[16. öldin|sextándu]]. Íbúar keisaraveldisins kölluðu land sitt '''Tawantinsuyu''' (sem þýðir „land fjórðunganna“), og var það orðið meira en milljón [[Ferkílómetri|ferkílómetrar]] að stærð á [[15. öldin|15. öld]] og þá bjuggu þar meira en tíu milljónir íbúa. Veldinu var skipt í fernt; [[Chinchaysuyu]] (NV), [[Antisuyu]] (NA), [[Qontisuyu]] (SV), og [[Qollasuyu]] (SA), en í miðjunni var höfuðborgin [[Cusco]], þaðan sem veldinu var stjórnað. Til að tengja saman landið byggðu þeir vegi og brýr, en Inkar áttu afbragðs [[verkfræðingur|verkfræðinga]]. Um vegina fóru hraðboðar sem ferðuðust allt að 250 km á dag með skilaboð. Þannig gat [[inkinn]], sem var æðsti leiðtoginn og jafnframt dýrkaður sem guð, komið mikilvægum boðum sínum til íbúanna og þannig hjálpuðu hraðboðarnir við stjórnun landsins. Inkar notuðu mjög öflugan her til þess að ná undir sig landi og sigra óvini sína og inkinn hafði jafnframt óskorað vald til þess að gera hvað sem hann vildi.