Kílógramm

Kílógramm (skammstafað: kg) er grunneining SI–kerfisins fyrir massa.

Nokkrar mælieiningar eru notaðar til að mæla massa sem eru nátengdar kílógramminu:

• 1 tonn er 1000 kílógrömm. (Samkvæmt forskeytum í SI–kerfinu ætti þetta réttilega að heita megagramm en í daglegu tali er tonn algengara.)
• 1 gramm er 1/1000 úr kílógrammi.
• 1 milligramm er 1/1000000 (einn–milljónasti) úr kílógrammi.

Kílógrammið var upphaflega skilgreint sem 1 lítri af vatni við 4° Celcius og 1 atm (staðalaðstæður þrýstings). Þessi skilgreining olli nokkrum vandkvæðum þar sem þéttleiki vatns er háður þrýsting og þrýstingur er háður massa (og þannig er skilgreiningin á mælieiningunni orðin háð sjálfri sér).

Kílógrammið var því endurskilgreint sem massi kubbs úr Platiníu og Iridíum sem er 39 mm á hlið og er geymdur í Bureau International des Poids et Mesures.

Þrátt fyrir algengan misskilning er kílógrammið ekki mælieining á þyngd. Þyngd er háð aðdráttarkröftum og mæld með mælieiningunni Newton (N) (samanber þyngdar–leysi út í geimnum, ekki massa–leysi). Þyngd 1 kílógramma hluts við yfirborð jarðar er því:

1 kg × 9.806 65 m/s² = 9.806 65 N

(Þar sem g = 9.806 65 er þyngdarkraftur Jarðar, en þessi stærð er þó breytileg ef staðsetningu á hnettinum.)

  Þessi grein er stubbur. Þú getur hjálpað til með því að bæta við greinina.