„Páll Ólafsson“: Munur á milli breytinga

'''Páll Ólafsson''' var [[Ísland|íslenskt]] [[skáld]] á [[19. öld]]. Hann fæddist á Dvergasteini þann [[8. mars]] [[1827]] og dó [[23. desember]] [[1905]]. Foreldrar hans voru Ólafur Indriðason, síðar prestur á Kolfreyjustað og k. h. Þórunn Einarsdóttir. Páll var tvíkvæntur og var fyrri kona hans (3. júlí 1856) Þórunn Pálsdóttir (1811-1880), en seinni kona (5. nóvember 1880) Ragnhildur Björnsdóttir. Börn Páls og Ragnhildar voru Björn Skúlason (1881), Björn (1883), Sveinbjörn (1885), Þormóður (1886) og Bergljót (1887). Páll stundaði heimanám hjá föður sínum og var svo við nám einn vetur hjá Sigurði Gunnarssyni, alþingismanni í Vallanesi. Páll var [[alþingismaður]] 1848 til 1853, síðan lausamaður. Vorið 1855 varð hann ráðsmaður á Hallfreðarstöðum í Hróarstungu hjá Þórunni Pálsdóttur, sem þá var ekkja. Hann gerðist [[bóndi]] þar 1856-1862, bjó að Höfða á Völlum 1862-1864, á Eyjólfsstöðum 1864-1866, aftur á Hallfreðarstöðum 1866-1892 og loks í Nesi í Loðmundarfirði 1892-1900. Þá fluttist hann ásamt Ragnhildi konu sinni að Sigurðarstöðum á Sléttu til Guðrúnar, systur hennar, síðar að Presthólum til séra Halldórs Björnssonar, bróður Ragnhildar, en vorið 1905 til Reykjavíkur. Hann var [[umboðsmaður]] Skriðuklaustursjarða árin 1865-1896. Páll var alþingismaður Norðmýlinga árin 1867 og 1873, einnig 1874-1875, en sagði þá af sér þingmennsku.

 

*Kvæði. (-Hafnarfjörður), 1984. 2 vol. Sigurborg Hilmarsdóttir gaf út. [inclus : I. Náttúruljóð og ættjarðarkvæði, Búskapur og árstíðir, Hestavísur, Ljóðabréf og orðsendingar, Bakkus, Gaman og alvara. II. Ýmis ljóð og lausar vísur, Vísur og kvæði um börn, Til Ragnhildar, Ellimæða og angurljóð, Harmljóð og eftirmæli, Þýðingar].

*Þjóðskáldin : úrval úr bókmenntum 19. aldar (p. 485-494). -Rvík, 1996 (1992).

{{Wikiheimild|Páll Ólafsson|Páli Ólafssyni}}

[[Flokkur:Íslensk skáld]]

[[pl:Páll Ólafsson]]