Annað ráðuneyti Geirs Haarde

Önnur ríkisstjórn Geirs H. Haarde er núverandi ríkisstjórn Íslands. Í henni sitja ráðherrar frá Sjálfstæðisflokki og Samfylkingunni. Hún tók við völdum 24. maí 2007 í kjölfar þess að Sjálfstæðisflokkur og Framsóknarflokkur ákváðu að slíta samstarfi sínu vegna naums þingmeirihluta eftir Alþingiskosningunum 2007. Ríkisstjórn Sjálfstæðisflokks og Samfylkingar hefur mjög einn rúmasta meirihluta sem ríkisstjórn hefur haft á Alþingi, 42 menn á meðan einungis 21 þingmaður er í stjórnarandstöðu.

Stór hluti viðræðnanna í aðdraganda stjórnarmyndunarinnar fór fram á Þingvöllum og þar undirrituðu formenn stjórnarflokkana jafnframt stjórnarsáttmálann 23. maí 2007. Þess vegna hefur stjórnin verið kölluð Þingvallastjórnin

Ráherrar stjórnarinnar eru:

• Forsætisráðherra og ráðherra Hagstofu:Geir H. Haarde (D)
• Félagsmála- og tryggingamálaráðherra: Jóhanna Sigurðardóttir (S)
• Fjármálaráðherra: Árni M. Mathiesen (D)
• Dóms- og kirkjumálaráðherra: Björn Bjarnason (D)
• Sjávarútvegs- og landbúnaðarráðherra : Einar Kristinn Guðfinnsson (D)
• Utanríkisráðherra: Ingibjörg Sólrún Gísladóttir (S)
• Heilbrigðisráðherra: Guðlaugur Þór Þórðarson (D)
• Umhverfisráðherra: Þórunn Sveinbjarnardóttir (S)
• Samgönguráðherra: Kristján Möller (S)
• Iðnaðarráðherra: Össur Skarphéðinsson (S)
• Viðskiptaráðherra: Björgvin G. Sigurðsson (S)
• Menntamálaráðherra: Þorgerður Katrín Gunnarsdóttir (D)

Fyrirrennari: Fyrsta ríkisstjórn Geirs H. Haarde

Ríkisstjórn Íslands (24. maí 2007 – enn í embætti)

Eftirmaður: enn í embætti