Áramótaskaup 1971

Áramótaskaupið 1971 átti upphaflega að vera í höndum Flosa Ólafssonar eins og síðustu ár. Hann var fenginn til að skrifa handrit, en Jóni Þórarinssyni dagskrárstjóra þótti það bera of mikinn keim af fyrri skaupum. Hann lofaði þó að málið væri í góðum höndum, en Áramótaskaupið 1970 varð ekkert venjulegt skaup. Í stað þess var Gamlársgleði. Um það sáu Ása Finnsdóttir og Ómar Ragnarsson. Þau tóku á móti gestum í sjónvarpssal og á milli var sungið, spilað og sprellað með léttu hjali. Meðal gesta voru: Bessi Bjarnason, Gunnar Eyjólfsson, Símon Ívarsson, Guðrún Á. Símonar, Þuríður Sigurðardóttir, Árni Johnsen, Björgvin Halldórsson, Ingimar Eydal og hljómsveit hans, Jónas R. Jónsson, Kristinn Hallsson, Ragnar Bjarnason, Sigurður Rúnar Jónsson og systkini og Þrjú á palli.

Í sjónvarpsdagskrá Morgunblaðsins 31. desember 1970 stendur svo:

Auk þess snjóar inn búálfum og fylgifiskum, og áramótahljómsveit Sjónvarpsins leikur við hvurn sinn fingur undir stjórn Magnúsar Ingimarssonar.