Abbey Road

Abbey Road er ellefta breiðskífa Bítlanna og var hún gefin út árið 1969. Platan var sú síðasta sem Bítlarnir tóku upp en hún kom þó út á undan Let It Be.

Abbey Road
Breiðskífa
Flytjandi	Bítlarnir
Gefin út	26. september 1969
Tekin upp	22. febrúar - 20. ágúst 1969
Stefna	Rokk
Útgefandi	Apple, Parlophone, EMI
Stjórn	George Martin
Tímaröð – Bítlarnir
Yellow Submarine (1969) Abbey Road (1969) Let It Be (1970)
Gagnrýni
All Music Guide: 5/5 [1]

Fyrsta lag plötunnar er „Come Together“ eftir John Lennon. Lagið samdi hann upphaflega til að styðja framboð Timothy Leary til ríkisstjóra Kaliforníu, en ekkert varð af því framboði og því endurvann hann lagið fyrir plötuna.

Lagið „Something“ var samið af George Harrison, og var fyrsta bítlalagið sem hann samdi, sem gefið var út sem A-hlið á smáskífu.

Stór hluti hliðar tvö á plötunni er nokkurs konar lagasyrpa þar sem öll lögin frá „You Never Give Me Your Money“ til „The End“ eru tengd saman. Sum þessara laga voru hálfkláruð eða lög sem voru samin fyrir fyrri plötur en skilin eftir. Á meðal þessara laga eru lögin „Mean Mr. Mustard“ og „Polythene Pam“ sem voru samin af John Lennon fyrir Hvíta albúmið og lagið „She Came in Through the Bathroom Window“ sem samið var af Paul McCartney fyrir Let It Be plötuna. Lagið er að sögn um raunverulegan atburð þegar aðdáandi braust inn á heimili hans, um baðherbergisgluggann.

Mikil togstreita, á milli meðlima hljómsveitarinnar, hafði einkennt upptökurnar fyrir Hvíta albúmið og Let It Be, en að sögn gengu upptökurnar fyrir Abbey Road mun betur vegna þess að þar sem þeir gerðu sér grein fyrir því að þetta yrði líklega síðasta bítlaplatan, samþykktu þeir að leggja allan ágreining til hliðar.

Lagalisti

Öll lögin voru samin af Lennon/McCartney, nema þar sem annað er tekið fram.

Hlið eitt

1. „Come Together“ – 4:20
2. „Something“ (George Harrison) – 3:03
3. „Maxwell's Silver Hammer“ – 3:27
4. „Oh! Darling“ – 3:26
5. „Octopus's Garden“ (Ringo Starr) – 2:51
6. „I Want You (She's So Heavy)“ – 7:47

Hlið tvö

1. „Here Comes the Sun“ (George Harrison) – 3:05
2. „Because“ – 2:45
3. „You Never Give Me Your Money“ – 4:02
4. „Sun King“ – 2:26
5. „Mean Mr. Mustard“ – 1:06
6. „Polythene Pam“ – 1:12
7. „She Came in Through the Bathroom Window“ – 1:57
8. „Golden Slumbers“ – 1:36
9. „Carry That Weight“" – 1:36
10. „The End“ – 2:19
11. „Her Majesty“ – 0:23