„Föníka“: Munur á milli breytinga

'''Föníka''' eða '''Fönikía''' var menningarsamfélag í [[fornöld]] sem átti uppruna sinn í norðurhluta [[Kanansland]]s á ströndum þess sem nú er [[Líbanon]]. Föníka var [[sjóveldi]] og [[verslunarveldi]] sem stofnaði [[borgríki]] allt í kringum [[Miðjarðarhaf]]ið á [[1. árþúsundið f.Kr.|1. árþúsundi f.Kr.]] Föníkumenn kölluðu sjálfa sig líklega ''kena'ani'' (''kananíta'') en nafnið Föníka hefur orðið almennt vegna þess að [[Grikkland|Grikkir]] kölluðu landið ''Φοινίκη'' („Foinike“) sem þeir fengu að láni úr [[fornegypska|fornegypsku]] ''Fnkhw'' („Sýrlendingar“). Gríska orðið var auk þess [[hljóðfræði]]lega líkt orðinu yfir [[blóðrauður|blóðrauðan]] eða [[vínrauður|vínrauðan]] lit ''φοῖνιξ'' („foinix“ sbr [[fönix]]) og orðin urðu því [[samheiti]] vegna verslunar Föníkumanna með hinn eftirsótta [[Týrosarrauður|týrosarrauða]] lit sem meðal annars er unninn úr [[kuðungur|kuðungum]]. [[Skip]] Föníkumanna sem voru undirstaða veldis þeirra voru stórar [[galeiða|galeiður]].