„Dýrlingur“: Munur á milli breytinga
Ný síða: '''Dýrlingur''' (enska: ''saint'') er hugtak sem notað er um persónu sem þykir búa yfir einstökum heilagleika. Viðkomandi persóna hefur gert eitthvað í ... |
(Enginn munur)
|
Útgáfa síðunnar 9. apríl 2007 kl. 14:36
Dýrlingur (enska: saint) er hugtak sem notað er um persónu sem þykir búa yfir einstökum heilagleika. Viðkomandi persóna hefur gert eitthvað í lifandi lífi sem veitir henni sérstakan sess við hlið Guðs. Í kristinni trú eru dýrlingar fólk sem litið er á sem fyrirmyndir um gott og rétt líferni.
Í Rómversk-kaþólsku kirkjunni eru um 10.000 dýrlingar. Til að teljast dýrlingur í kaþólsku kirkjunni verður persónan að hafa verið tekin upp í tölu dýrlinga (enska: Canonization) af páfanum.
Grísk/rússneska rétttrúnaðarkirkjan álítur alla dýrlinga sem vitað er fyrir víst að hafi komist til himna. Ekki þarf sérstaka staðfestingu frá trúarleiðtoga hér á jörð til að teljast dýrlingur. Samkvæmt rétttrúnaðarkirkjunni eru því manneskjur eins og Adam, Eva og Móses dýrlingar.
Dýrlingar eru einnig til í mótmælendakirkjum og ensku biskupakirkjunni. Hjá mótmælendum er orðið dýrlingur eða helgur maður notað almennt yfir alla þá sem eru kristnir.
Í biskupakirkjunni eru dýrlingar með forskeytið 'heilagur' eins og í kaþólsku kirkjunni. Frægasti dýrlingur biskupakirkjunnar er líklega heilagur Georg verndardýrlingur Englands. Biskupakirkjan og kaþólska kirkjan heiðra að miklu leyti sömu dýrlinga.