Munur á milli breytinga „Eggert Hannesson“

Eggert var hinn auðugasti maður á [[Ísland]]i um sína daga og jafnframt sá voldugasti. Hann var talinn harðsnúinn og fylginn sér, enda stóð hann oft í miklu málavafstri, lögvitur og héraðsríkur. Eitt sinn meðan Eggert bjó í Saurbæ var honum rænt af enskum sævíkingum og [[fálkafangari | fálkaföngurum]] og héldu þeir honum heilan mánuð úti á [[skip]]i, en slepptu síðan gegn háu [[lausnargjald]]i. Eggert fluttist síðan alfarinn til [[Hamborg]]ar og dó þar, að sagt var af völdum drykkjuskapar. Eggert átti að ýmsu við barnaólán að stríða. Einn sona hans, Björn, fórst af [[voðaskot]]i, annar, Þorleifur, týndist í hafi úti og sá þriðji, [[Jón murti]], lenti í vígsmáli í [[Síðumúli | Síðumúla]] og varð að flýja land. Sagt er að frá Jóni séu ættir komnar í Hamborg.