Cornell-háskóli

Cornell-háskóli (Cornell University) er einkarekinn rannsóknarháskóli í bænum Ithaca í New York fylki í Bandaríkjunum. Skólanum tilheyra einnig tveir læknaskólar í New York borg og í Qatar.

Cornell-háskóli í Ithaca.

Cornell er yngsti skólinn af hinum átta svonefndu Ivy League-skólum. Hann var stofnaður árið 1865 af Ezra Cornell og Andrew Dickson White. Skólanum var ætlað að mennta fólk óháð trúarsannfæringu, kynþætti eða uppruna og átti hann að kenna á öllum sviðum mannlegrar þekkingar — frá fornfræði til raunvísinda og frá kennileg jafnt sem hagnýtt vísindi.

Tæplega 1600 kennarar starfa við skólann í Ithaca en rúmlega 1000 kenna við læknaskólann í New York borg og 34 í Quatar. Nemendur skólans eru á 14. þúsund í grunnnámi, tæplega 6 þúsund í framhaldsnámi í Ithaca, rúmlega 800 í New York borg og á annað hundrað í Quatar. Fjárfestingar skólans nema um 4,3 milljörðum bandaríkjadala.