„Höskuldur Þráinsson“: Munur á milli breytinga
Efni eytt Efni bætt við
m stafs |
tengill í Njál |
||
Lína 1:
'''Höskuldur Þráinsson''' Hvítanessgoði var sonur [[Þráinn Sigfússon|Þráins Sigfússonar]] og [[Þorgerður Glúmsdóttir|Þorgerðar Glúmsdóttur]] á [[Grjótá]] í [[Fljótshlíð]]. Telja má hann fæddan nálægt [[980]] til [[985]] og dáinn um vorið [[1010]]. Hann var bóndi og goði í [[Ossabær|Ossabæ]] í Austur-Landeyjum, kona hans var [[Hildigunnur Starkaðardóttir]] frá [[Svínafell]]i, bróðurdóttir [[Flosi Þórðarson|Flosa Þórðarsonar]], goða á Svínafelli. Höskuldur hét eftir langafa sínum, [[Höskuldur Dala-Kollsson|Höskuldi Dala-Kollssyni]] á Höskuldsstöðum í Laxárdal, sem dó skömmu áður en hann var skírður, og réð [[Hallgerður langbrók]], amma hans, nafninu.
Þegar Höskuldur var barn að aldri drap [[Skarphéðinn Njálsson]] Þráin föður hans, við [[Markarfljót]], eftir að hafa stokkið frægasta langstökk Íslandssögunnar yfir ál Markarfljóts á milli höfuðísa. Eftir það var hann í fóstri um hríð hjá föðurbróður sínum, [[Ketill Sigfússon|Katli Sigfússyni]] í [[Mörk]] undir [[Eyjafjöll]]um og konu hans, [[Þorgerður Njálsdóttir|Þorgerði Njálsdóttur]] frá [[Bergþórshvoll|Bergþórshvoli]]. Hét þá Ketill því að hann skyldi annast hann eins og sinn eigin son og hefna hans ef hann yrði veginn. Er hann var líklega um 10-12 ára aldur bauð [[Njáll Þorgeirsson|Njáll]] honum til fósturs með sér á Bergþórshvoli og óx hann þar upp við mikið ástríki Njáls og sona hans.
Njáll kenndi honum lög og gerði hann að goða til þess að útvega honum göfugt gjaforð. Mikill samgangur var á milli Höskuldar og Njálssona eftir að Höskuldur fór að búa í Ossabæ og fór vel á með þeim uns rógtungan [[Mörður Valgarðsson]] sáði ósætti á milli þeirra, sem varð til þess að Njálssynir, [[Kári Sölmundarson|Kári]] og Mörður sjálfur fóru að Höskuldi og drápu hann er hann vann að sáningu um vorið. Hildigunnur, ekkja Höskuldar, tók skikkjuna sem hann var í og geymdi, þar til Flosi kom að austan. Þá lét hún búa honum öndvegi og steypti síðan yfir hann blóðugri skikkjunni. Þar með var blóð Höskuldar komið yfir hann og hann gat ekki skorast undan því að hefna drápsins. Leiddi þetta til [[Njálsbrenna|Njálsbrennu]]. Ketill í Mörk, tengdasonur Njáls, var einn brennumanna vegna heitsins sem hann hafði unnið, að hefna Höskuldar ef hann yrði veginn.
| |||