„Hrafn Jökulsson“: Munur á milli breytinga

'''Hrafn Jökulsson''' ([[1. nóvember]] [[1965]] – [[17. september]] [[2022]]) var íslenskur rithöfundur, ritstjóri og aðgerðasinni. Hann hóf störf sem blaðamaður á ''[[Tíminn|Tímanum]]'' 15 ára og varð ritstjóri ''[[Alþýðublaðið|Alþýðublaðsins]]'' árið 1994.<ref>{{Cite web|url=https://www.mbl.is/greinasafn/grein/1819356/|title=Hrafn Jökulsson|website=www.mbl.is|language=is|access-date=2023-02-16}}</ref> Árið 1996 varð hann ritstjóri tímaritsins ''[[Mannlíf]]s''. Fyrsta ljóðabók hans, ''Síðustu ljóð'', kom út árið 1988 og sama ár kom út sagnfræðiritið ''Íslenskir nasistar'' sem hann skrifaði ásamt bróður sínum, [[Illugi Jökulsson|Illuga Jökulssyni]]. Árið eftir kom út annað sagnfræðirit um hernámsárin, ''Ástandið: Mannlíf á hernámsárunum''. Árið 1991 kom út ljóðabókin ''Húsinu fylgdu tveir kettir'' og 1993 kom út ''Þegar hendur okkar snertast''. Árið 1998 átti hann þátt í stofnun skákfélagsins ''[[Hrókurinn|Hróksins]]''<ref>{{Cite web|url=https://www.mbl.is/greinasafn/grein/809042/|title=Hrafn Jökulsson gefur allar bækur sínar fyrir málstaðinn|website=www.mbl.is|language=is|access-date=2023-02-16}}</ref> sem næstu ár stóð fyrir fjölda skákviðburða og hélt taflnámskeið og skákmót á [[Austur-Grænland]]i. Árið 2000 gaf hann út helming ljóðabókar á móti [[Guðrún Eva Mínervudóttir|Guðrúnu Evu Mínervudóttur]], ''Stiginn til himna: Ljóð handa Evu''. Árið 2007 kom svo út þekktasta bók hans, ''Þar sem vegurinn endar'', sjálfsævisöguleg bók um [[Árneshreppur|Árneshrepp]] á Ströndum. Hrafn var [[varaþingmaður]] [[Alþýðuflokkurinn|Alþýðuflokksins]] í október 1995.<ref>{{Cite web|url=https://www.althingi.is/altext/cv/is/?nfaerslunr=843|title=Hrafn Jökulsson|website=Alþingi|language=is|access-date=2023-02-16}}</ref>