|
[[Mynd:Position of Vagar on Faroe map.png|thumb|Staðsetning Vága í Færeyjum.]]
'''VágarVogar''' eða '''VágoyVogey''' ([[færeyska]]: ''Vágar'', ''Vágoy'') er þriðja stærsta eyjan í [[Færeyjar|Færeyjum]]. Hún liggur sunnan og vestan við [[Straumey]] og er næstvestust allra eyjanna, aðeins [[Mykines]] er vestar. Íbúar Vága voru 3050 þann 1. janúar 2011 og hefur farið heldur fjölgandi á síðustu árum. Á eynni er eini flugvöllur Færeyja.
Hæsta fjallið á eynni er Árnafjall (722 m.) Á VágumVogum eru tvö stærstu stöðuvötn Færeyja, [[Sørvágsvatn]] eða Leitisvatn og [[Fjallavatn]]. Lögun VágaVoga er oft sögð minna á hundshaus og er þá Fjallavatn auga hundsins en Sørvágsfjörður kjafturinn. Fjöldi hólma og skerja er í kringum eyna.
== Byggðir ==
Bøur og Gásadalur eru á vesturströnd eyjarinnar og var Gásadalur án vegasambands við umheiminn allt til 2004, en þá voru vígð göng þangað. Tvær aðrar afskekktar byggðir fóru í eyði á síðustu öld, Víkar 1910 og Slættanes 1964. Þær voru báðar á norðvestanverðri eynni og er nú sá hluti hennar allur óbyggður. Svo var raunar einnig áður því þessar byggðir voru báðar stofnaðar á 19. öld.
Í SandavágiSandavogi var stórbýlið Steig, sem var gert að lögmannssetri árið 1555 og bjuggu flestir [[lögmaður Færeyja|lögmenn Færeyja]] þar eftir það, allt þar til embættið var lagt niður 1816. Síðasti lögmaðurinn á Steig var [[Jørgen Frants Hammershaimb]] og þar fæddist sonur hans, [[V.U. Hammershaimb]], prestur og málfræðingur, sem lagði grunn að færeyska ritmálinu. Minnisvarði um hann er á Steig.
== Samgöngur ==
Á eynni er eini [[flugvöllur]] Færeyja, [[VágaflugvöllurVogaflugvöllur]] og eru VágarVogar því viðkomustaður flestra sem til Færeyja koma. Völlurinn var lagður af Bretum í [[síðari heimsstyrjöld]]inni en eftir að henni lauk var völlurinn lítið sem ekkert notaður í tuttugu ár. Hann var svo endurnýjaður á sjöunda áratugnum og gerður að alþjóðaflugvelli. Vegna flugvallarins voru VágarVogar öryggissvæði á heimsstyrjaldarárunum og þurftu íbúar annarra eyja sérstakt leyfi til að fara þangað. Mestallt herlið Breta á eyjunum var staðsett á VágumVogum, aðallega á VatnsoyrumVatnseyrum, og voru íbúar þorpsins fluttir burt á meðan hernámið stóð yfir.
Fyrstu [[neðansjávargöng]]in í Færeyjum, [[VágagönginVogagöngin]], milli VágaVoga og Straumeyjar, voru opnuð árið 2002. Þau eru um 4900 m löng.
{{commons|Vágar|Vágum}}
| 