„Neyðarlögin“: Munur á milli breytinga

'''''Neyðarlögin''''' kölluðust [[Ísland|íslensk]] lög nr. 125/2008, sem öðluðust gildi [[6. október]] [[2008]] í upphafi [[Bankahrunið 2008|bankahrunsins 2008]]. Í lögunum fólust víðtækar lagaheimildir íslenska [[Ríkið|ríkisins]] til aðgerða á [[Fjármálamarkaður|fjármálamörkuðum]]. Lögin áttu að „gæta hagsmuna íslensku þjóðarinnar í hvívetna, koma í veg fyrir að þjóðin verði á skuldaklafa næstu áratugina og bjarga því sem bjargað verður miðað við núverandi aðstæður“ eins og [[Geir H. Haarde]], þáverandi forsætisráðherra, sagði. Frumvarpið (''Frumvarp um fjármálamarkaði'') var samþykkt með 50 atkvæðum. Þingmenn [[Sjálfstæðisflokkur|Sjálfstæðisflokksins]], [[Samfylkingin|Samfylkingarinnar]] og [[Framsóknarflokkurinn|Framsóknarflokksins]] samþykktu það en 12 þingmenn [[Vinstri grænir|Vinstri grænna]] og [[Frjálslyndi flokkurinn (Ísland, 1998–2012)|Frjálslyndra]] sátu hjá. Lögin fólu í sér mjög róttækar heimildir um inngrip stjórnvalda á fjármálamarkaði. Lögin tóku þegar gildi, en ekki við útgáfu [[Stjórnartíðindi|Stjórnartíðinda]].