„Svínanes“: Munur á milli breytinga

'''Svínanes''' er nes við norðurströnd [[Breiðafjörður|Breiðafjarðar]], milli fjarðanna [[Skálmarfjörður|Skálmarfjarðar]], sem er vestan megin við nesið, og [[Kvígindisfjörður|Kvígindisfjarðar]], sem er austan við. Um aldir var búið á nesinu, en þar hefur búseta lagst af, líkt og víðar á þessum slóðum. Yst á nesinu var áður samnefndur bær, en hann fór í eyði árið [[1959]]. Vestan megin á nesinu var einnig búið á bænum Selskerjum, en hann fór í eyði [[1954]]. Um tíma var einnig búið á Svínanesseli, sem var áður sel frá Svínesi. Bæirnir tilheyrðu áður [[Múlahreppur|Skálmarnesmúlahreppi]] (eða Múlahreppi), en nesið er nú hluti af sveitafélaginu [[Reykhólahreppur|Reykhólahreppi]] í [[Austur-Barðastrandarsýsla|Austur-Barðastrandarsýslu]].